Вилијам Мајкл Грифин Помладиот (англ. William Michael Griffin Jr.; роден на 28 јануари 1968) познат по неговото уметничко име Раким (англ. Rakim) ― американски рапер. Тој бил дел од хип-хоп-дуото Eric B. & Rakim со кого објавил четири албуми: Paid in Full (1987), Follow the Leader (1988), Let the Rhythm Hit 'Em (1990) и Don't Sweat the Technique (1992). Тој исто така објавил три соло-албуми: The 18th Letter (1997), The Master (1999) и The Seventh Seal (2009).
Раким се смета за еден од највлијателните и највештите ем-си (MC) уметници на сите времиња.Kool Moe Dee, 2003, «There’s A God On The Mic: The True 50 Greatest MCs», Thunder’s Mouth Press, p.324. Раким бил меѓу првите рапери кои во песните почнале да употребуваат внатрешни рими и повеќесложни рими и бил меѓу првите кој пишувал сложени стихови кои изобилувале со мудро избрани зборови и метафори, за разлика од поедноставните шеми на рима кои доминирале во рап-музиката пред неговото време.
Во 2006 година, неговиот албум, Paid in Full, MTV го прогласила за најдобар хип-хоп-албум на сите времиња, а Раким бил ставен на 4-то место на списокот од MTV за „Најдобри MC-а на сите времиња“. Стив Хјуи од AllMusic изјавил дека „Раким е речиси универзално сметан за еден од најдобрите MC-а, ако не и најдобар, на сите времиња во хип-хоп заедницата“. Уредниците од About.com го ставиле на второ место на нивниот список од „Топ-50 MC од наше време (1987–2007)“. Во 2012 година, The Source го ставил на прво место на нивниот список од „Топ-50 текстописци на сите времиња“.
Дискографија
Студиски албуми Соло
The 18th Letter (1997) The Master (1999) The Seventh Seal (2009)
Со Eric B. & Rakim
Paid in Full (1987) Follow the Leader (1988) Let the Rhythm Hit 'Em (1990) Don't Sweat the Technique (1992)
Наводи
Надворешни врски
Категорија:Живи луѓе Категорија:Родени во 1968 година Категорија:Американски текстописци Категорија:Американски рапери Категорија:Американски хип-хоп музичари Категорија:Афроамерикански рапери