Стефани Лин Никс (Феникс, 26 мај 1948) е американска пејачка, текстописец и продуцент позната по нејзината работа со групата Флитвуд Мек и како соло уметник.
Живот и кариера Стефани „Стиви“ Никс е родена во Феникс, Аризона од Џес и Барбара Никс. Никс има германско, англиско, велшко и ирско потекло.
Како дете, Стефани можела да го изговори своето име само како „ти-ди“, што довело до нејзиниот прекар „Стиви“.
Додека посетувала средно училиште во Аркадија, Калифорнија, се приклучила на нејзиниот прв бенд, Changing Times, фолк рок група фокусирана на вокални хармонии.
Никс го запознала нејзиниот иден музички и романтичен партнер, Линдзи Бакингем, последна година од средното училиште во Атертон, Калифорнија.MTV.com: Stevie Nicks. Бакингем бил член во психоделичниот рок бенд Фриц, но двајца негови музичари се запишале на колеџ па тој ја прашал Стиви во средината на 1967 година да го замени главниот пејач.
И Никс и Бакингем го посетувале Државниот универзитет во Сан Хозе, каде Никс студирала говорна комуникација и планирала да стане професор по англиски јазик. Со благослов на нејзиниот татко, Никс го напуштила колеџот за да продолжи со музичката кариера заедно со Бакингем.
Откако Фриц се распаднале во 1972 година Никс и Бакингем продолжиле да пишуваат како дуо, снимајќи демо ленти во Дејли Сити, Калифорнија. Тие потпишале договор со Полидор рекордс, а албумот Бакингем Никс бил објавен во 1973 година. Албумот не бил комерцијален успех и Полидор не ја продолжил соработката.
Бакингем се вработил како гитарист на турнејата Еверли брадерс во 1972 година. Никс останала сама да работи на пишување песни. Никс ја напишала „ Рианон “ откако го видела името во романот на Мери Лидер „Триада“. Таа, исто така, ја напишала „Лендслајд“, инспирирана од пејзажот на Аспен и нејзината врска со Бакингем.
На 31. декември 1974 година, тапанарот Мик Флитвуд го поканил Бакингем да му се придружи на бендот. Бакингем одбил, инсистирајќи дека тој и Никс се „пакет договор“ и дека тој нема да се приклучи на групата без неа. Групата одлучила дека вклучувањето на парот ќе го подобри Флитвуд Мек, претворајќи го британскиот бенд во англо-американски.
Во 1975 г Флитвуд Мек постигнале светски успех со албумот Флитвуд Мек. Песната „Рианон “ била прогласена за една од 500-те најдобри песни на сите времиња од страна на Ролинг Стоун. „Лендслајд“ станала уште еден хит од албумот, со три милиони радио емитувања.
Додека Никс и Бакингем постигувале професионален успех со Флитвуд Мек, нивниот личен однос бил затегнат. Никс ја прекинала врската. Флитвуд Мек започнале со снимање на нивниот следен албум, Руморс, на почетокот на 1976 година и продолжиле до крајот на годината.
Меѓу придонесите на Стиви за Руморс била песната „Дримс“, која станала единствениот број 1 хит сингл на групата на Billboard Hot 100. „Силвер спрингс“, напишана за нејзината бурна врска со Бакингем, била издадена како Б-страна на синглот „Гоу јоут оун веј “, подеднакво критична песна на Бакингем за Никс.
Rumors, вториот албум откако се вклучиле Никс и Бакингем во бендот, бил најпродаваниот албум во 1977 година. До 2017 година албумот има продадено над 45 милиони копии ширум светот, што го прави еден од најпродаваните албуми на сите времиња. Албумот ја добил наградата Греми за албум на годината во 1978 година.
Во ноември 1977 година, по концертот во Нов Зеланд на турнејата Руморс, Никс и Флитвуд тајно започнале афера. Флитвуд во тоа време бил во брак со Џени Бојд. Никс ставила крај на аферата набргу откако започнала. Таа изјави дека ако аферата напредувала, „тоа ќе беше крајот на Флитвуд Мек“. До октомври 1978 г Мик Флитвуд ја напуштил Бојд и започнал врска со пријателката на Никс, Сара Рекор. мини|Никс настапува во 1980 година.
Соло кариера Нејзиниот прв соло албум, Бела дона, бил објавен на 27 јули 1981 година, со критички и комерцијален успех, достигнувајќи го првото место на табелата на Билборд 200, со четири синглови кои стигнаа до Billboard Hot 100, а Ролинг Стоун ја прогласија за „Владејачка кралица на рокенролот“.
Никс го издала својот втор соло албум, Д вајлд харт, на 10 јуни 1983 година.
Рок а литл, третиот албум бил објавен на 18. ноември 1985 година со три успешни синглови. Никс била на турнеја за овој албум до октомври 1986 година и настапувала со Боб Дилан и Том Пети и Хартбрејкерс за време на нивната австралиска турнеја.
Турнејата означила пресвртница во нејзиниот живот. Еден месец пред да започне турнејата, пластичен хирург ја предупредил на сериозни здравствени проблеми доколку не престане да користи кокаин. „Реков: „Што мислиш за мојот нос?“ „И тој рече: „Па, мислам дека следниот пат кога ќе земеш кокаин, може паднеш мртова“. На крајот на австралиската турнеја, Никс се пријавила во центарот Бети Форд на 30 дена за да ја надмине зависноста од кокаин. лево|мини| Никс за време на турнејата на Флитвуд Мек во 2003 година. мини|Никс во јуни 2008 година. мини|Никс настапува со Дејв Стјуарт во ноември 2011 година. мини|Никс настапува со нејзиниот бенд во центарот Френк Ервин на нејзината турнеја 24 каратно злато во март 2017 година. Во 2014 година Никс се појавила во третата сезона на телевизиската серија Американска хорор приказна, Кругот на вештерката, во улога што ја репризирала во осмата сезона, Апокалипса. Таа играшла измислена верзија на себе, прикажувајќи „бела вештерка“ со натприродни моќи во три епизоди. мини|Никс настапува во 1977 година. години
Наследство Многу уметници ја наведуваат Стиви како извор на влијание и музичка инспирација. Тие ги вклучуваат Бијонсе и Destiny's Child,Beyoncé Knowles (August 2, 2009). I Am... Yours: An Intimate Performance at Wynn Las Vegas (DVD). Sony Music. Event occurs at 1:03:50. Кортни Лав, Мишел Бранч, Белинда Карлајл, Д чикс, Мери Џеј Блајџ,Interview Magazine, January 2008. Шерил Кроу,http://www.rockonthenet.com/archive/1999/vh1women.htm Надја Али, Флоренс Велч, Тејлор Свифт, Ванеса Карлтон, Делта Гудрем, и Лорд.
Во октомври 2018 година, Никс била една од петнаесетте уметници номинирани за индукција во Куќата на славните на рокенролот. На 13 декември 2018 година била најавена како една од седумте примени во Рокенрол Куќата на славните за 2019 година што ја прави првата жена која двапати била примена во таа сала.
Личен живот Нејзиниот единствен брак бил со Ким Андерсон, вдовецот на нејзината пријателка Робин Андерсон. Тие се венчале во 1983 година кратко време откако Робин Андерсон починала од леукемија и додека албумот Бела Дона бил на врвот на топ листите. „Бев решен да се грижам за бебето на Робин, па му реков на Ким: „Не знам, претпоставувам дека треба да се венчаме“. Никс и Андерсон се развеле по само три месеци: „И така се венчавме три месеци откако таа почина, и тоа беше ужасна, страшна грешка. Не се венчавме затоа што бевме заљубени, се венчавме затоа што тагуваме и само така се чувствувавме како да правиме било што.“
Години по разводот, таа повторно се соединила со нејзиниот посинок кога тој бил тинејџер, омозвожувајќи му да го заврши факултетот, и оттогаш одржува контакт со него.
Никс била романтично поврзана со Линдзи Бакингем од 1966 година, накратко со Мик Флитвуд во 1977 година, со тапанарот/вокалот на Иглс (анг: Eagles), Дон Хенли во доцните 1970-ти и накратко со композиторот на Иглс (анг: Eagles) Саутер.Furman 2003. page 127
Во 1979 г Никс имала абортус откако останала бремена со Хенли.
Таа се поврзала со Џими Ајовин, кој ја продуцирал Бела Дона во 1980-1981 година и со гитаристот на Eagles Џо Волш во 1983-1986 година, кого во 2007 година го нарече една од нејзините најголеми љубови, но парот не можел да одржи врска поради меѓусебната злоупотреба на дрога. Никс била на турнеја со Волш во 1984 година и ја напишала песната „ Дали некој некогаш напишал нешто за тебе?“ за починатата ќерка на Волш.
Никс изјавила дека направила свесен избор да нема свои деца, поради нејзината напорна кариера и нејзината желба да ја следи својата уметност каде и да ја однесе: „Мојата мисија можеби не беше да бидам мајка и сопруга; можеби мојата посебна мисија беше да пишувам песни за да ги направам мајките и жените да се чувствуваат подобро."Stevie Nicks on ABC Downtown, 2001.
За внуката, кумот и поширокото семејство вели: „Имам многу деца“. Во секој случај, многу позабавно е да се биде луда тетка отколку мајка.”
Соло дискографи
Bella Donna (1981) The Wild Heart (1983) Rock a Little (1985) The Other Side of the Mirror (1989) Street Angel (1994) Trouble in Shangri-La (2001) In Your Dreams (2011) 24 Karat Gold: Songs from the Vault (2014)
Награди и номинации Никс била номинирана за осум Греми награди како соло изведувач, држејќи го рекордот за најмногу номинации за најдобра женска рок вокална изведба без победа.
Со Флитвуд Мек
Никс била номинирана за шест Греми награди како член на Флитвуд Мек, освојувајќи Греми награда во 1978 година за албум на годината за Руморс, а во 2003 година таа ја добила наградата Греми Куќа на славните во 2003 година.
Наводи
Надворешни врски
Официјален веб-сајт на Флитвуд Мек Реприсе Рекордс
Пет сегменти аудио интервјуа со Стиви Никс за албумот Бела Дона Биографија - Стиви Никс: Визија, соништа и гласини (книга на Гудридс)
Категорија:Добитници на Греми Категорија:Американски рок пејачи Категорија:Родени во 1948 година