Ребека Ф. Куанг (родена на 29 мај 1996 година) е американски романописец на фантастика. Нејзиниот прв роман, „Војна на афионот“, бил објавен во 2018 година, по што следеле продолженијата „Република на змејовите“ во 2019 година и „Богот што гори“ во 2020 година. Куанг објавила самостоен роман „ Бабел, или неопходноста од насилство“ во 2022 година. Нејзината најнова книга е Жолтолик, сатиричен роман објавен во 2023 година. Куанг има дипломи по кинески студии на колеџот Магдалена, Кембриџ и Универзитетскиот колеџ, Оксфорд, а моментално студира на Универзитетот Јеил.

Куанг има добиено многу признанија како автор. Бабел дебитирал на првото место на листата на бестселери на Њујорк тајмс и ја освоилнаградата Книга на годината на Блеквел за фикција во 2022 година и наградата Небула за најдобар роман за 2022 година. Покрај тоа, Куанг ја добила наградата Комптон Крук, наградата Крафорд и наградата за 2020 година за најдобар нов писател, заедно со тоа што е финалист за наградите „Небула“, „Локус“, „Светска фантазија“, „Кичи“ и „Британска фантазија“ за „Војна на афион“ .

Ран живот и образование Куанг е родена на 29 мај 1996 година во Гуангџоу. Таа емигрирала во САД со своето семејство кога имала четири години. Нејзиниот татко пораснал во Лејанг, во провинцијата Хунан, а нејзината мајка пораснала во провинцијата Хаинан. Нејзиниот дедо по мајка се борел за Чианг Кај-Шек. Семејството на нејзиниот татко ја доживеало јапонската окупација на Хунан.

Куанг пораснала во Далас, Тексас и матурирала во училиштето Гринхил во 2013 година. Таа го посетувала Универзитетот Џорџтаун, насока историја, привлечена од добро познатиот дебатен тим на колеџот по победата на Турнирот на шампионите. Додека била на колеџ, Куанг, на 19-годишна возраст, почнала да пишува Војна на афион за време на една година пауза во Кина, каде што работела како тренер за дебати; книгата е објавена непосредно пред нејзиниот 22-ри роденден. Куанг дипломирала на работилницата за пишување Одисеја во 2016 година и присуствувала на работилницата за пишување романи ЦССФ во 2017 година. Дипломирала на Школата за надворешна служба во Џорџтаун во јуни 2018 година. Летото по дипломирањето го поминала како тренер на дебатен камп во Колорадо.

Куанг го посетувала колеџот Магдалена, Кембриџ како добитник на Маршал стипендија за 2018 година, каде што се станала магистер по филозофија по кинески студии. Следната академска година студирала на Универзитетскиот колеџ во Оксфорд и магистрирала по современи кинески студии. Куанг се вратила во Соединетите Држави во есента 2020 година за да продолжи со докторат по источноазиски јазици и литератури на Универзитетот Јеил.

Литературни дела Нејзиниот дебитантски роман „Војна нa афион“, кинеска воена фантазија, била објавен од „Харпер Војаџер“ во 2018 година и е првата книга од трилогијата „Војна на афион“.

Во 2020 година, таа напиша кратка приказна во универзумот „Војна на ѕвездите “ наречена „Против сите шанси“ за бранителот на бунтовничката алијанса на ледената планета Хот по име Дак Ралтер. Објавен е во антологијата Од одредена гледна точка: 40 приказни кои слават 40 години од Империјата го возвраќа ударот.

Трилогија „Војна на афион“.

Војна на афион Војна на афион, мрачна фантазија, ја црпи својата инспирација од политика од средината на 20 век во Кина, со конфликтот во романот заснован на Втората кинеско-јапонска војна и атмосфера инспирирана од династијата Сонг. Војната со афион беше номинирана за наградата Светска фантазија за 2019 година за најдобар роман.

Змејска Република Објавен во 2019 година, книгата е продолжение на Војна на афион. Империјата Никан почнува да се распаѓа поради внатрешните борби и Хесперијците се враќаат. Рецензентот за Фантази Бук Ривју напишал: „Куанг се истакнува во правењето емоционален хаос додека дава моќна медитација за војната и опстанокот“. Паблишерс Викли изјавиле дека „Куанг внесува брилијантност во ова заживувачко и сложено продолжение на воената фантазија“.

Богот што гори Објавена во 2020 година, Богот што гори е продолжение на Змејска Република и заклучок на серијата Војна на афион. Рин се бори со силите кои ја распаднале нејзината земја во граѓанска војна. Рецензент за Фантази Хајв напишал: „Заклучокот на Ребека Куанг за нејзината дебитантска трилогија, Војна на афион, е доказ за нејзиниот раст како писател; не само што е одличен крај на амбициозна серија“. Рецензентот за Паблишерс Викли рекол дека „резултатот е задоволувачки, иако не и среќен крај на серијата“.

Бабел Четвртата кннигата била објавена во август 2022 година, „Бабел, или неопходноста од насилство : таинствена историја на револуцијата на преведувачите во Оксфорд“, од Харпер Војаџер. Дејството на Бабел е сместено во Англија од 1830-тите. Во втората недела од септември 2022 година, Бабел дебитирал на првото место на листата на најпродавани на Њујорк Тајмс за фикција со тврд повез, но паднал на деветтото место следната недела пред да исчезне од листата до крајот на месецот.

Жолтолик Во октомври 2021 година, Куанг објави дека нејзиниот петти роман, Жолтолик, ќе биде објавен во 2023 година. Издавачот во соопштение за печатот изјави дека Жолтолик следи „бел автор кој краде необјавен ракопис, напишан од поуспешен азиско-американски романописец кој починал во чудна несреќа, и го објавува како свој“. Насловот на романот, Жолтолик, се однесува на практиката на жолто лице во филмската индустрија, во која белите актери се користат за прикажување на азиски ликови, аналогно на црното лице, во кое белите актери користат шминка за да прикажат црни или африкански ликови. Куанг ја смета нејзината книга за „хорор приказна за осаменоста во жестоко конкурентна индустрија“.

Награди и почести Во 2018 година, Барнс енд Ноубл ја вклучиле Војна нa афион на нивната листа на омилени книги за научна фантастика и фантазија од 2018 година.

Во 2022 година, Киркус Ривју и Вашингтон Поуст го прогласија Бабел, или неопходноста од насилство за една од најдобрите научнофанатастични и фантастични книги на годината. Amazon, НПР, и Барнс енд Ноубл ја прогласија за една од најдобрите книги на годината, без оглед на жанрот.

Во 2023 година, Куанг се најде на листата на Тајм магазин, Следните 100.

Библиографија

Серијата „Војна на афион“.

Војна на афион (мај 2018 година), Змејска Република (август 2019 г.), Богот што гори (ноември 2020 година),

Други романи

Бабел, или неопходноста од насилство : Тајна историја на револуцијата на преведувачите во Оксфорд (август 2022 година), Жолтолик (мај 2023 година),

Кратки раскази

„Реката со девет кривини“ во антологијата „Книгата на змејовите “ (јули 2020 година; уредена од Џонатан Страхан ( приказна прочитана од Левар Бартон „Наспроти сите препреки“ во антологијата Од одредена гледна точка: 40 приказни кои слават 40 години од „Империјата го возвраќа ударот“ (ноември 2020 година) „The Drowning Faith“, збирка раскази сместени во Трилогијата на војната со афион (ноември 2020 година)

Не-фикција

„Како да разговарате со духови“ во 21-от број на списанието Uncanny (6 март 2018 година)

Наводи

Надворешни врски

R. F. Kuang at the Internet Speculative Fiction Database "R.F. Kuang Awards". Science Fiction Awards Database. Mark R. Kelly and the Locus Science Fiction Foundation.   (transcript)

Категорија:Живи луѓе Категорија:Родени во 1996 година Категорија:Статии со текст на кинески Категорија:Американска книжевност