Airalo е продавница за eSIM-картички. На патниците им обезбедува eSIM-картички за над 200 земји и региони низ светот, давајќи им моментален пристап до интернет во странство. Според податоците од 31 март 2024 година, апликацијата Airalo има над 10 милиони корисници и е достапна на App Store и Google Play Store на 53 јазици.
Историја Airalo е новооснована компанија со седиште во САД, основана во 2019 година од Абрахам Бурак и Бахадир Оздемир. Нивната цел е да им овозможат пристап на патниците до моментално глобално поврзување по прифатлива цена преку технологијата за eSIM.
Абрахам и Бахадир се дигитални номади и претприемачи, што значи дека и самите се соочиле со ограничувањата на поврзувањето при патување. Технологијата за eSIM претставува можност да се обезбеди поприфатлива и подостапна алтернатива за патниците.
Во 2019 година, Airalo обезбеди 1,9 милиони долари како почетен капитал од Antler и од фондот за почетен капитал Surge во сопственост на Sequoia Capital India. Во 2021 година обезбеди финансирање од 5 милиони долари од Серија А, а во 2023 година, 60 милиони долари во рундата за финансирање од Серија Б. e& Capital, огранокот за вложувачки капитал на e& (подобро познат како операторот Etisalat со седиште во ОАЕ) ја предводеше рундата, а учествуваа и „генераторот“ за новоосновани компании Antler Elevate, Liberty Global, Rakuten Capital, Singtel Innov8, Surge (фондот за рана фаза предводен од Peak XV, претходно познат како Sequoia Capital India и SEA), Orange, T Capital (огранокот за вложувачки капитал на Deutsche Telecom), KPN Ventures, Telefónica Ventures и I2BF Global Ventures.
Наводи
Категорија:Американски телекомуникациски претпријатија