Степските царства или номадска империја биле империи основани од номадски народи во Евроазиската Степа, од класичната антика (Скитија) по се до раниот нов век (Џунгари). Тие се најистакнатиот пример на не-седентерно државно уредување.

Некои номадски империи се консолидирале со основање на престолнина во освоената држава, и потоа експлоатирајќи ги постоечките бирократски и комерцијални ресурси на тоа не-номадско општество. Во такво сценарио, првичната номадска династија можела културно да се асимилира во културата на окупираната нација пред конечно да биде соборена.Golden, Peter B. (1992). An Introduction to the History of the Turkic Peoples: Ethnogenesis and State Formation in the Medieval and Early Modern Eurasia and the Middle East. Southgate Publishers. p. 75. Ибн Халдун (1332–1406) опишал сличен циклус во помал обем во 1377 година.

Историчарите во раниот средновековен период најчесто ги нарекуваат овие држави „ханати“ (по хан, титулата на нивните владетели). После монголските освојување во 13ти век започнал да се користи и терминот орда — како на пр. „Златната Орда“.

Основни карактеристики Номадските империи се развиле на Евроазиската Степа – од Манџурија и Монголија преку Централна Азија до Понтиската степа и Дунав. Нивната моќ почивала на:

Мобилност и воена технологија: коњи, композитни лакови и тактики на брзи напади, опколување и исцрпување. Племенска конфедеративна структура: владетелот (хан, каган или шанју) ги обединувал племињата, но власта често била делегирана и зависела од успешни воени походи и распределба на плен. Економска зависност: номадите произведувале месо, млеко, кожи и волна, но им биле потребни жито, метал, луксузни добра и занаетчиски производи од седентерните општества. Краткотрајност: повеќето траеле 100–150 години. Причини за пад биле внатрешни поделби, климатски промени, епидемии, прекумерно ширење и зајакнување на соседните земјоделски држави.

Многу од нив биле мултиетнички и мултијазични. Некои династии се седентеризирале (се населиле) и се асимилирале во културата на освоените народи, додека други останале помобилни.

Наводи

Категорија:Империи