Џејмс Вилијам Бафет (англ. James William Buffett; 25 декември 1946 - 1 септември 2023) ― американски пејач познат по неговиот уникатен тропски рок-звук и начин на однесување преку кое промовирал уживање во животот и следење страсти. Бафет снимил многу хит-песни а најпозната меѓу нив е „Margaritaville“ (1977), која е рангирана на 234-то место на листата на „Песни на векот“ од Здружението на музичките сниматели на Америка. Бафет ја соновач групата Coral Reefer Band во 1975 година.

Покрај двете номинации за наградата Греми, Бафет во 2024 година постхумно бил примен во Куќата на славните на рокенролотво категоријата „Музичка извонредност“.

Освен неговата музичка кариера, Бафет изградил успешна бизнис империја. Бил сопственик на синџирот-ресторани Маргаритавил на Џими Бафет и со нето проценета вредност од 1 милијарда долари, Бафет бил еден од најбогатите музичари во светот. Исто така бил автор на бестселери. Неговите обожаватели се познати како „Папагалски глави“ (англ „Parrotheads“).

Живот и кариера Бафет е роден на 25 декември 1946 година, во Паскагула, Мисисипи, а дел детството го поминал во Мобил во Алабама. Студирал на Универзитетот во Јужен Мисисипи, каде што во 1969 година дипломирал на отсекот историја и новинарство.

По дипломирањето, Бафет се преселил во Њу Орлеанс и често одржувал улични изведби за туристите и свирел во поранешниот ноќен клуб Bayou Room. Во 1970 година, се преселил во Нешвил за да започне кариера во кантри-музиката.

Бафет потпишал договор за два албума со Barnaby Records. Неговото прво студиско издание бил албумот Down to Earth издаден во август 1970 година, но на музичката сцена се пробил со албумот A White Sport Coat and a Pink Crustacean од 1973 година, кој ги вклучувал песните: „Grapefruit—Juicy Fruit“ и „Why Don't We Get Drunk“. Со парите од заработката од албумот, Бафет си го купил првиот брод.

Во 1975 година, Бафет ја основал групата Coral Reefer Band. Тие биле предгрупа на Eagles во август 1975 година. мини| Бафет настапува на Универзитетот Клемсон во 1977 година Во јануари 1977 година, Бафет го објавил албумот Changes in Latitudes, Changes in Attitudes, на кој, покрај насловната песна, се наоѓала и песната со која Бафет стекнал светска слава, „Margaritaville“. Бафет тврдел дека најголемиот дел од песната ја напишал за шест минути. Иронично било тоа што тој иако се обидувал негативно да ги прикаже туристите во Ки Вест, тоа довело до зголемување на туризмот во градот. Песната станала култна химна на американската поп-култура и била додадена во Националниот регистар на песни на САД во 2016 година.

Во текот на кариерата, Бафет издал над 30 студиски албуми, а многу од нив добиле платинести и златни сертификати. Некои од неговите најпознати албуми се: Son of a Son of a Sailor (1978), Volcano (1979) и License to Chill (2004). мини| Бафет во 1980 година Освен неговата музичка кариера, Бафет водел и успешни деловни потфати. Го основал синџирот-ресторани Margaritaville Cafe, кои инспирирани од неговите песни станале популарни туристички дестинации. Компанијата го проширила брендот Margaritaville во хотели, одморалишта и други производи како облека, храна и пијалаци.

Бафет исто така бил и успешен писател, објавувајќи неколку книги, вклучувајќи го и бестселерот Tales from Margaritaville (1989) и неговата автобиографија A Pirate Looks at Fifty (1998). Тој неколкупати се нашол на листата на најпродавани автори на The New York Times.

Бафет бил постхумно избран за внесување во Куќата на славните на рокенрокот во 2024 година во категоријата „Музичка извонредност“.

Бафет починал на 1 септември 2023 година, на 76-годишна возраст, поради компликации од редок и агресивен рак на кожа, кој му бил дијагностициран четири години претходно.

Многу познати личности, политичари и музичари му оддале последна почит на Бафет, вклучувајќи ги: Пол Макартни, Шерил Кроу, Елтон Џон, Снуп Дог, Ал Рокер, Енди Коен, Џо Бајден, Тоби Кит, Блејк Шелтон, Питбул, Дру Брис и Мајкл Даглас.

Дискографија

Down to Earth (1970) High Cumberland Jubilee (1971) A White Sport Coat and a Pink Crustacean (1973) Living and Dying in 3/4 Time (1974) A1A (1974) Havana Daydreamin''' (1976) Changes in Latitudes, Changes in Attitudes (1977) Son of a Son of a Sailor (1978) Volcano (1979) Coconut Telegraph (1981) Somewhere over China (1982) One Particular Harbour (1983) Riddles in the Sand (1984) Last Mango in Paris (1985) Floridays (1986) Hot Water (1988) Off to See the Lizard (1989) Fruitcakes (1994) Barometer Soup (1995) Banana Wind (1996) Christmas Island (1996) Don't Stop the Carnival (1998) Beach House on the Moon (1999) Far Side of the World (2002) License to Chill (2004) Take the Weather with You (2006) Buffet Hotel (2009) Songs from St. Somewhere (2013) 'Tis the SeaSon (2016) Life on the Flip Side (2020) Songs You Don't Know by Heart (2020) Equal Strain on All Parts (2023)

Наводи

Надворешни врски

https://www.jimmybuffett.com/

"Jimmy Buffett" во Енциклопедија на Алабама''

Категорија:Американски рок пејачи Категорија:Американски рок-музичари Категорија:Американски филмски композитори Категорија:Американски кантри рок пејачи Категорија:Американски писатели за деца Категорија:Американски воздухопловци Категорија:Починати во 2023 година Категорија:Родени во 1946 година Категорија:Статии со hCards Категорија:Статии со краток опис Категорија:Пејачи од Мисисипи Категорија:Американски кантавтори Категорија:Пејачи од Алабама Категорија:Починати од рак Категорија:Тромбонисти Категорија:Американски поп-пејачи Категорија:Американски фолк-рок музичари Категорија:Американски романописци Категорија:Американски милијардери Категорија:Американски автобиографи