Дајана Џин Крол (англ. Diana Jean Kral; родена на 16 ноември 1964 година) ― канадска џез-пијанистка и пејачка позната по нејзиниот контраалт глас. Продала преку 15 милиони албуми. На 11 декември 2009 година, списанието Билборд ја ставило на второ место на списокот на џез-музичари на деценијата (2000–2009).

Крол е единствен џез-пејач со осум албуми кои дебитирале на врвот на Билбордовата топ-листа за џез-албуми. Освоила две Греми награди и осум Џуно награди.

Живот и кариера Дајана Крол е родена на 16 ноември 1964 година во Нанаимо, Британска Колумбија.Kyle Smith, "Look of Love" , People (Archive), March 31, 2003, Vol. 59, No. 12."Krall, Diana", in Elizabeth Lumley (ed.), The Canadian Who's Who, Volume 43, University of Toronto Press, 2008, p. 710. Почнала да учи да свири пијано на четиригодишна возраст.

Крол добила стипендија за музичкиот колеџ „Беркли“ во Бостон, каде студирала од 1981 до 1983 година. Потоа се преселила во Лос Анџелес за да свири џез. Во 1992 година се вратила во Канада за да го сними нејзиниот прв албум. лево|мини| Крол во 1998 година Нејзиниот прв албум, Steping Out, бил објавен во 1993 година. Албумот го привлекло вниманието на продуцентот Томи Липума, кој го продуцирал нејзиниот втор албум, Only Trust Your Heart (1995).

Нејзиниот трет албум, All for You: A Dedication to the Nat King Cole Trio (1996), бил номиниран за Греми и 70 недели се задржал на Билбордовата топ-листа за џез музика. Албумот Love Scenes (1997), кој Крол го сними со гитаристот Расел Мелоун и со басистот Кристијан Мекбрајд, исто така бил успешен.

Во август 2000 година, Крол соработувала со Тони Бенет за концертна турнеја во 20 градови.

Оркестарските аранжмани на Џони Мендел биле основа за нејзиниот петти студиски албум When I Look in Your Eyes (1999), нејзин прв албум издаден преку Verve Records. Дајана Крол освоила Греми за најдобар џез-изведувач, а албумот бил номиниран за албум на годината. Во 2001 година, нејзиниот албум The Look Of Love, продуциран од Клаус Огерман, бил сертифициран со платина и се пласирал меѓу првите десет албуми на Билборд 200. Насловната нумера од албумот со исто име, преработка на песната од Дасти Спрингфилд и Серхио Мендез од филмот Казино Ројал (1967), се искачила на 22 место на радиските топ-листи.

Во септември 2001 година, Крол започнала светска турнеја. Нејзиниот концерт во париската концертна сала Олимпија бил снимен и издаден во 2002 година како нејзин прв албум во живо, Live in Paris (во Европа издаден под наслов, A Night In Paris). Албумот содржел преработки на „Just the Way You Are“ од Били Џоел и „A Case Of You“ од Џони Мичел, а бил издаден и како видео-албум. Албумот исто така се пласирал меѓу 20-те албуми на Билборд 200, а на Крол ѝ го донел второто Греми за најдобра џез вокална изведба.

Во 2003 година се омажила за англискиот кантавтор Елвис Костело. Заедно работеле како текстописци, а Крол почнала да компонира свои песни и како резултат на тоа го издала албумот The Girl in the Other Room (2004) кој брзо се искачил меѓу првите пет албуми во Обединетото Кралство и топ-40 на австралиската топ-листа за албуми. Таа, исто така, му се придружила на Реј Чарлс на неговиот албум Genius Loves Company во 2004 година за песната „You Don't Know Me“, а нејзиниот настап од 29 јуни 2004 година во Bell Center во Монтреал бил издаден како нејзино второ ЦД и ДВД во живо, Live at the Montreal Jazz Festival, објавен на 23 ноември 2004 година. мини| Крол на настап во театарот Парамаунт во Шарлотсвил, Вирџинија (ноември 2010 година). Албумот Quiet Nights, продуциран од Крол и Томи Липума, бил објавен на 31 март 2009 година и претежно се состое од босанова стандарди.

Крол го продуцирала албумот од Барбра Стрејсенд Love Is the Answer, објавен на 29 септември 2009 година.

Во 2011 година, Крол се повлекла на Шри Ланка. Во септември 2012 година, таа го соработувала со Пол Макартни за неговиот џез-албум Kisses on the Bottom. На 13 септември 2012 година, на комеморацијата на астронаутот Нил Армстронг во Вашингтон, Крол ја извела песната „Fly Me to the Moon“.

Нејзиниот 11-ти студиски албум, Glad Rag Doll, бил објавен на 2 октомври 2012 година и претежно содржел џез-мелодии од 1920-тите и од 1930-тите. Нејзиниот следен албум, Wallflower, издаден на 3 февруари 2015 година од Verve Records, содржел композиции од посовремени композитори вклучувајќи ги: Eagles (две песни), Елтон Џон и Берни Топин („Sorry Sems to Be the Hardest Word“), 10cc („I'm Not in Love“), Нил Фин („Don't Dream It's Over“), и Џилберт Осаливан („Alone Again (Naturally)“). Насловната песна од албумот била од „Bootleg Series“ од Боб Дилан, а Пол Макартни ѝ одобрил да ја вклучи I'll Take You Home Tonight, претходно необјавена оригинална песна која ја напишал за неговиот џез-албум Kisses on the Bottom.

На 5 мај 2017 година, Крол го издала нејзиниот тринаесетти албум, Turn Up the Quiet. Албумот освоил Џуно награда за вокален џез-албум на годината во 2018 година.

На 14 септември 2018 година, бил објавен заеднички албум од Крол и Тони Бенет, Love Is Here to Stay. Албумот ја содржел песната „Fascinating Rhythm“, првично снимена од Бенет во 1949 година. Со песната Бенет го соборил Гинисовиот рекорд за „најдолго време помеѓу објавување на оригинална снимка и повторното снимање на истиот сингл од ист изведувач“ — 68 години и 342 дена.

Во септември 2020 година го објавила нејзиниот шеснаесетти студиски албум, This Dream of You, именуван по препевот на песната од Боб Дилан од 2009 година.

Придружници на Крол на нејзината турнеја во 2024 година биле Себастијан Стајнберг и Мет Чембрлен.

Личен живот мини| Крол со сопругот Елвис Костело во 2009 година Крол и британскиот музичар Елвис Костело се венчале на 6 декември 2003 година на имотот од Елтон Џон во близина на Лондон. На 6 декември 2006 година во Њујорк се родиле нивните синови близнаци, Декстер Хенри Лоркан и Френк Харлан Џејмс.

Дискографија мини| Крол настапува во Келн во октомври 2009 година

Stepping Out (1993) Only Trust Your Heart (1995) All for You: A Dedication to the Nat King Cole Trio (1996) Love Scenes (1997) When I Look in Your Eyes (1999) The Look of Love (2001) Live in Paris (2002) (познат и како A Night in Paris) The Girl in the Other Room (2004) Live at the Montreal Jazz Festival (2004) Christmas Songs (2005) From This Moment On (2006) Quiet Nights (2009) Glad Rag Doll (2012) Wallflower (2015) Turn Up the Quiet (2017) Love Is Here to Stay со Тони Бенет (2018) This Dream of You (2020)

Наводи

Надворешни врски

– матична страна

Категорија:Офицери на Редот на Канада Категорија:Добитници на Греми Категорија:Апсолвенти на колеџот за музика „Беркли“ Категорија:Родени во 1964 година Категорија:Живи луѓе Категорија:Канадски пијанисти Категорија:Канадски џез-музичари Категорија:Џез-пејачки Категорија:Канадски пејачки Категорија:Добитници на Џуно награда Категорија:Џез-пијанисти Категорија:Пејачи на балади