„Година на змејот“ (англиски: Year of the Dragon) — американски филм од 1985 година, во режија на Мајкл Чимино (Michael Cimino), снимен по сценариото на Оливер Стоун (Oliver Stone), засновано врз романот на Роберт Дејли (Roberta Daley). Главните улоги ги толкуваат: Мики Рурк (Mickey Rourke), Џон Лоун (John Lone), Керолајн Кава (Caroline Kava), Леонард Термо (Leonard TermoИ и Рејмонд Џ, Бари (Raymond J. Barry). Филмот бил номиниран за француската награда „Сезар“ за најдобар странски филм, како и за наградите „Златен глобус“ за најдобар спореден глумец (Џон Лоун) и за музика (Дејвид Менфилд). Веднаш по појавувањето, филмот предизвикал бурни коментари и обвинувања за расизам поради лошото светло во кое се прикажани Кинезите.Godina zmaja, američki film (пристапено на 1.2.2025)
Синопсис Мирниот Кинески кварт во Њујорк е вознемирен од убиството на главниот шеф на Тријадата, а потоа и од низа насилнички настани. На прв поглед, изгледа дека станува збор за војна меѓу младите банди, но всушност, сето тоа е дел од добро смислениот план на новиот шеф на Тријадата, Џои Таи (го игра Лоун). Меѓутоа, тој не е единствениот кој сака да ги искорени обичаите, зашто тука е и грубиот полицаес Стенли Вајт (го игра Рурк), задолжен за редот во Кинескиот кварт, кој е преполн со трауми од Виетнамската војна. Тој ги мрази луѓето од Азија, а тоа води до неизбежен судир меѓу него и Таи...
Наводи
Категорија:Американски филмови Категорија:Филмови на англиски јазик Категорија:Филмови од 1985 година Категорија:Филмови на Мајкл Чимино Категорија:Филмови со Мики Рурк Категорија:Филмови со Џон Лоун Категорија:Филмови со Керолајн Кава Категорија:Филмови со Рејмонд Џ, Бари Категорија:Филмови со Леонард Термо Категорија:Филмови засновани на романи Категорија:Филмови за мафијата Категорија:Филмови чие дејствие се одвива во Њујорк Категорија:Криминалистички филмови