Габриела Сармјенто Вилсон (англ. Gabriella Sarmiento Wilson; родена на 27 јуни 1997 година), естрадно позната како H.E.R. (се изговара „Хер“ и е акроним од англиските зборови „Having Everything Revealed“) ― американска пејачка и музичарка. Освоила: Оскар, Еми-награда за деца и семејство и пет Греми-награди, а исто така била предложена за: награда Златен глобус, три Американски музички награди и четири Билбордови музички награди. Живот и кариера Габриела Сармјенто Вилсон е родена на 27 јуни 1997 година, во Ваљехо, Калифорнија. Мајка ѝ била Филипинка, а татко ѝ Афроамериканец. Детството го поминала во Заливската Област на Сан Франциско. Членовите на нејзиното поширокото семејство биле музичари и пејачи кои често свиреле за караоке забави.
Музичката кариера ја започнала на десетгодишна возраст, кога под името Габи Вилсон пеела туѓи песни на музички ТВ-емисииFedaku, Mesfin (November 7, 2018). "Doing It H.E.R. Way: Singer Gab Wilson Emerges From Shadows". nbclosangeles.com. Los Angeles: KNBC. Archived from the original on February 12, 2019. Retrieved November 27, 2018. и во театри. Глумечката кариера ја почнала на 9-годишна возраст, со улога во телевизискиот филм School Gyrls. Во тоа време со нејзината кариера управувала компанијата Overbrook Entertainment во сопственост на Вил Смит.
Во 2011 година, Вилсон потпишала договор за снимање со RCA Records. Во 2014 година, под нејзиното вистинско име го објавила нејзиниот прв сингл „Something to Prove“."10 Things You Should Know About Gabi Wilson". BET. Archived from the original on November 9, 2018. Retrieved November 27, 2018.
2016–2019: Пробив на музичката сцена мини|251x251пкс| H.E.R. на настап во 2018 година Во 2016 година Вилсон го усвоила нејзинот уметничко име H.E.R. и на 9 септември 2016 година го објавила нејзиниот прв мини-албум H.E.R. Vol. 1.
На 16 јуни 2017 година го издала нејзиниот втор мини-албум под наслов H.E.R. Vol. 2. На 13 октомври 2017 година го издала H.E.R. Vol. 2, The B Sides. Компилацискиот албум H.E.R. бил објавен на 20 октомври 2017 година и ги содржел песните од трите претходно издадени мини-албуми во оваа серија. На доделувањето на Греми-наградите во 2019 година албумот ја добил наградата за „Најдобар R&B албум“ а H.E.R. била номинирана за уште четири други награди, меѓу кои и за албум на годината и за најдобар нов изведувач.
Во септември 2018 година Вилсон ја најавила турнејата „I Used to Know H.E.R.“ како поддршка на нејзините два мини-албума: I Used to Know Her: The Prelude и I Used to Know Her: Part 2. Нејзиниот втор компилациски албум I Used to Know Her бил објавен на 30 август 2019 година. Албумот добил пет номинации за Греми, вклучувајќи ги номинациите за: „Албум на годината“ и „Песна на годината“ за синглот „Hard Place“.
На 5 октомври 2019 година настапила на фестивалот Rock in Rio во Рио де Жанеиро. На истиот фестивал меѓу дугите настапиле и: Дрејк, Фу Фајтерс, Бон Џови, Ред Хот Чили Пеперс, Ајрон Мејден, Пинк и Мјуз.
2020 – денес: Back of My Mind и глумечка кариера лево|мини|232x232пкс| H.E.R како воведен изведувач на светската турнеја од Coldplay „Music of the Spheres“ во 2022 година. Во 2021 година, ја освоила нејзината трета Греми-награда за песна на годината за синглот „I Can't Breathe“. Истата година, нејзината песна „Fight for You“ (издадена за филмот Јуда и црниот месија) освоила Оскар за најдобра оригинална песна и ја освоила наградата „Греми за најдобра традиционална R&B изведба“. Во 2022 година, за нејзиниот придонес во анимираната детска серија на Барак и Мишел Обама, Ние луѓето - H.E.R. освоила „Еми награда за деца и семејството“.
Нејзиниот прв студиски албум, Back of My Mind, бил објавен на 18 јуни 2021 година. Во август 2021 година, било објавено дека Вилсон е во финални преговори за да дебитира во долгометражен филм, играјќи ја улогата на Сквик во филмската адаптација од 2023 година на Бојата на пурпурот. На 30 ноември 2021 година, на музичките награди од Apple H.E.R. ја добила наградата за текстописец на годината.
На 13 февруари 2024 година, H.E.R. објавила дека потпишала нов договор за управување со Lighthouse Management + Media, чиј основач Алин Кешишијан ги застапува и пејачките Оливија Родриго и Селена Гомес.
Дискографија
Студиски албуми
Back of My Mind (2021)
Филмографија
Филм година Наслов Улога Белешки 2017 Ерма Ерма Краток филм 2019 Ден за да Сама Камео 2023 година Бојата на пурпурот Мери „Сквик“ Агнес Филмско деби
Наводи
Надворешни врски
Категорија:Добитници на MTV Video музички награди Категорија:Добитници на Греми Категорија:Американски кантавторки Категорија:Американски пејачки од 21 век Категорија:Живи луѓе Категорија:Родени во 1997 година Категорија:Пејачи од Калифорнија Категорија:Американски гитаристки Категорија:Добитници на ЕМИ награди Категорија:Добитници на оскар Категорија:Афроамерикански гитаристи