Fundulus bermudae — мала риба која е ендемска на Бермудските Острови во западниот Атлантски Океан. Припаѓа на родот Fundulus во семејството Fundulidae.
Може да порасне до 12,9 сантиметри во должина и 21,4 грама во тежина. Мажјакот е темнозелен со жолта долна страна и темна дамка на грбната перка при мрестење. Женката е кафеава или маслинеста по боја, побледа одоздола.
Порано била вообичаена во слатководните и соленкастите езерца и мочуришта низ Бермудите. Нејзината популација се намалила како резултат на уништувањето и модификацијата на живеалиштата од страна на луѓето, и е наведен како заштитен вид според Законот за заштитени видови на Бермудите од 2003 година. Моментално е позната само во седум езерца: Мангровското Езеро, Тротовото Езеро, Западното Езеро Валсингем, Источното Езеро Валсингем, Ворвикското Езеро, Евановото Езеро и воведена популација во Блу Хоул Понд. Популациите во Ловеровото Езеро и Бартрамовото Езеро сега се сметаат за посебен вид, F. relictus ). Некои други популации на бермудски вид исто така може да бидат посебни видови.
Сештојад е, а нејзината исхрана вклучува зелени алги, мекотели, ракови и инсекти. Нејзини предатори се чапјите, рибата Lutjanus griseus и јагулата Anguilla rostrata, како и внесената риба Gambusia holbrooki и желката Trachemys scripta elegans.
Извори
Froese, Rainer i Pauly, Daniel, eds. (2008). "Fundulus bermudae" u FishBase. Verzija: January 2008. Outerbridge, Mark E.; Davenport, John & Glasspool, Anne F. (2007) Distribution, population assessment and conservation of the endemic Bermuda killifishes Fundulus bermudae and Fundulus relictus, Endangered Species Research, 3: 181-189. Species Profile of Endemic Bermuda Killifish
Категорија:Крапозабовидни Категорија:Бермуда