„Интервју со вампирот“ — готски хорор и вампирски роман од американската авторка Ен Рајс, објавен во 1976 година. Тој бил нејзиниот дебитантски роман. Романот бил напишан врз основа на кратка приказна што Рајс ја напишала околу 1968 година и се фокусира на вампирот Луј де Поант ди Лак, кој ја раскажува приказната за својот живот на еден новинар. Рајс го напишала романот кратко по смртта на нејзината мала ќерка Мишел, која послужила како инспирација за ликот на детето-вампир Клаудија. Иако првично била предмет на мешан критички прием, книгата била проследена со многу широко популарни продолженија, колективно познати како „Вампирските хроники“. Филмска адаптација излегла во 1994 година, со Том Круз и Бред Пит во главните улоги, а телевизиска серија премиерно била прикажана во 2022 година.
Адаптации
Филм Филмските права за „Интервју со вампирот“ првично биле контролирани од „Парамаунт пикчерс“, „Лоримар“ и „Ворнер Брос“ - дистрибутерот на филмот, пред „Гефен филм компани“ да ги добие правата. Режисерот Нил Џордан го преработил првиот нацрт на сценариото на Рајс, иако таа добила единствен кредит. Бред Пит ја играл улогата на Луис, Том Круз ја играл улогата на Лестат, Антонио Бандерас на Арманд, а младата Кирстен Данст на детето вампир Клаудија. Поголемиот дел од снимањето на филмот бил завршен до октомври 1993 година, и опстанале само неколкуте сцени во кои се појавува интервјуерот, кои потоа биле вметнати во различни точки низ филмот. Продукцијата на тие сцени била одложена за неколку недели додека Ривер Финикс, која бил избран за интервјуерот, заврши со снимањето на филмот „Темна крв“. Финикс починал подоцна истиот месец, а Кристијан Слејтер потоа бил избран за улогата на интервјуерот Молој. Слејтер ја донирал целата своја плата на „Earth Save“ и „Earth Trust“, две од омилените добротворни организации на Финикс.
Телевизиска серија Во мај 2020 година, AMC ги стекна правата за „Вампирските хроники“ и „Животот на вештерките од Мејфер“ за развој на филмски и телевизиски проекти. AMC ѝ нарачал на продукцијата серија за првата сезона од „Интервју со вампирот“ со седум епизоди. Извршни продуценти на серијата биле Ролин Џонс и Марк Џонсон. Во „Интервју со вампирот“ глумат Џејкоб Андерсон како Луис, Сем Рид како Лестат, Бејли Бас/Делејни Хејлс како Клаудија, и Асад Заман како Рашид/Арманд. Премиерата на серијата се одржала на 2 октомври 2022 година. Романот бил адаптиран во првите две сезони, со елементи од „Вампирот Лестат“ во втората сезона, а и како основа за третата сезона.
Наводи
Надворешни врски
Интервју со вампирот на официјалната веб-страница на Ен Рајс
Категорија:Фантастични книги Категорија:Готски романи Категорија:Вампири