Брана Митровиќ

Брана Митровиќ (1908 - 1984) бил лесковачки педагог и писател, автор на „Речникот на лесковачкиот говор“ .

Биографија Почнал да пишува уште додека бил студент. Својот прв расказа, „Спортист“, го објавил во 1931 година во истоимениот весник. Потоа објавувал во „Недељне новине“. Дипломирал на групата за литература и српски јазик на Филолошкиот факултет во Белград. Не можел да најде работа во Лесковац, па се занимавал со новинарство и литература, со предавања на курсеви за експеранти, држејќи часови на слаби ученици, а држел и предавања на Националниот универзитет.

Непосредно пред Втората светска војна, објавил неколку раскази и фељтони во „Политика“, а објавувал и во „Правда“ како дописник од Лесковац. За време на окупацијата, соработувал со „Ново време“ па поради тоа поминал некое време во затвор. Со појавата на „Наше речи“, станал нивни соработник, а подоцна објавувал во „Лесковачки зборник“, „Наше стварање“, „Градина“ и други. Работел и во образование, но во 1959 година бил отстранет бидејќи еден од неговите гестови во наставата по литература бил сфатен од страна на властите како форма на диверзија. Потоа работел како службеник на лесковачкиот саем во лесковацна текстил, за да се врати во наставата и да се пензионира како професор во Земјоделското училиште во Лесковац.

Пред војната, објавил помала збирка раскази со наслов „Искри од Дубочица“. По војната, објавил уште една збирка раскази со наслов „Времето помина“. Последните години од својот живот ги поминал интензивно работејќи на „Речникот на лесковачкиот говор“, чие објавување во издание на Народниот музеј на Лесковац го дочекал непосредно пред самиот крај на животот.

Наводи

Категорија:Српски просветари Категорија:Српски писатели Категорија:Починати во 1984 година Категорија:Родени во 1908 година