Хибридно воловско јазиче () — вид цветно растение од семејството на лисичинките (Boraginaceae).http://www.rareplants.es/shop/product.asp?P_ID=10225
Опис Двегодишно или повеќегодишно растение, високо 15–60 см.https://www.infoflora.ch/en/flora/anchusa-hybrida.html Стеблото е исправено или растечко, неразгрането или разгрането од основата, покриено со бројни меки, набиени или испакнати тенки влакна и со ретки, тврди влакна поставени на брадавични израстоци. Листовите се издолжени, издолжено-копјести, копјести или линеарни, цели или назабени до брановидно-гребени, долги 30–150 мм, (3) 5–13 (25) мм широки, базалните и долните стеблести листови се поголеми и постепено се стеснуваат во петелка, стеблестите листови се неподвижни, покриени од двете страни со влакна од влакна на брадавични израстоци.
Цветовите имаат многу кратки педикели до 1мм, собрани во кратки, компактни, едноставни или двојни српести соцветија, кои за време на формирањето на плодовите малку се издолжуваат. Брактите се овално-копјести, тестатни од чашката. Чашката е долга 5–9 мм (се издолжува за време на формирањето на плодот), исечена на 1/3 или половина од 5 тапи, копјести сегменти од чашката, покриени со подолги, исправени, влакнасти филаменти и со малку набиени филаменти.
Цветното венче е сино, виолетово или црвено, венечното цевче е долго 6–8 мм, проширениот дел од венчето е со дијаметар од 3–5 мм, во отворот на венечното цевче има 5 елиптични, белузлави лушпи на грлото со долги филаменти. Прашниците се прикачени во средината на венечното цевче, прашниците се скриени под лушпите на грлото.https://www.florafauna.life/flora-lebanon/anchusa-hybrida Столбот затворен во венечното цевче за време на цветањето, по цветањето се издолжува и се издига малку над чашката. Оревчињата се извиткани, јајцевидни, долги 2,5 мм, широки околу 4 мм, мрежесто превиткани со брадавични израстоци. Цвета од февруари до јуни.Владо Матевски: Флора на Република Македонија, том II, св. 1, стр. 127, издавач: МАНУ, Скопје, 2010
Распространетост
По патишта, клисури, на планински пасишта, на силикатна, варовничка и серпентина земја до 1200 м. Распространето иво камени предели од крајбрежното литорално до високите планински зони. Распространето во Италија, Сицилија и Источен Медитеран. Во Македонија е забележано во: Водно, Пчиња, долината на Црна Река,покрај течението на реката Вардар и на др места.Владо Матевски: Флора на Република Македонија, том II, св. 1, стр. 128, издавач: МАНУ, Скопје, 2010 Наводи
Надворешни врски
Категорија:Воловско јазиче Категорија:Флора на Македонија Категорија:Флора на Италија