Kalmia — род од околу десет видови зимзелени грмушки високи од 0,2 до 5 м, од семејството вресови (Ericaceae). Тие се автохтони во Северна Америка (главно во источната половина на континентот) и Куба. Одредени видови (како K. angustifolia и K. polifolia) се среќаваат во влажни и мочурливи предели, додека други (K. ericoides и K. latifolia) растат на суви и песочни почви.
Родот за првпат е именуван од ботаничарот Карл Линеј во чест на својот пријател ботаничар Пер Калм, кој во средината на 18 век правел збирки од Kalmia во источна Северна Америка.
Во Македонија е застапен видот Kalmia procumbens единствено на планината Рудока. Опис Родот Kalmia се одликува со едноставни, копјести листови долги помеѓу 2 и 12 см. Цветовите се големи од 1–3 см во дијаметар, доаѓаат во бела, розова или виолетова боја и формираат рамни штитовидни групи од 10–50 цвета, слични на рододендроните. Цветот има специфична ѕвездеста чашка со пет споени ливчиња. Растението раѓа плод во форма на петоделна капсула, која со пукање ги исфрла бројните ситни семиња.
Листовите содржат грајанотоксини, група тесно поврзани невротоксини именувани по растението Leucothoe grayana, кое е автохтоно во Јапонија, па затоа е токсично ако се јаде. На неговата токсичност најмногу реагираат овците, што придонело некои видови во англиското говорно подрачје да добијат народни имиња како lambkill (убиец на јагниња). Растението е подеднакво опасно и за луѓето, бидејќи и неговите лисја и гранчиња содржат силен отров.
Калмиите се широко распространети како украсни градинарски грмушки кои се одгледуваат поради нивните убави цветови. Сепак, заради нивната голема токсичност, овие растенија не треба да се садат на места каде што има добиток.
Ларвите на одредени видови пеперутки (лепидоптери) се хранат со растенијата од родот Kalmia. Меѓу нив е и молецот Coleophora kalmiella, кој се храни исклучиво со Kalmia. Видови Kalmia angustifolia L. Kalmia angustifolia subsp. carolina (Small) A.Haines Kalmia buxifolia (P.J. Bergius) Gift & Kron Kalmia cuneata Michx. Kalmia ericoides C.Wright ex Griseb. Kalmia hirsuta Walter Kalmia latifolia L. Kalmia microphylla (Hook.) A.Heller Kalmia microphylla subsp. occidentalis (Small) Roy L.Taylor & MacBryde Kalmia polifolia Wangenh. Kalmia procumbens (L.) Gift, Kron & P.F.Stevens ex Galasso, Banfi & F.Conti
Во постарата ботаничка литература, видот Kalmia procumbens се сметал за единствен претставник на родот Loiseleuria. Галерија
Литература Џејнс, Ричард А., 1997: Калмија, планински ловор и сродни видови, Тимбер Прес, Портланд, Орегон, САД Хуеберс, Карл-Хајнц и Вестхоф, Јулија, 2020 година : Fascynujące kalmie (Фасцинантно Калми) објавено од Плантин, Краков, Полска
Наводи
Надворешни врски Европско здружение Калмија Kalmia.info: Германски хибридизатори на Kalmia Pieris.eu: Информации за Kalmia latifolia
Категорија:Растителни таксони опишани од Карл Линеј Категорија:Статии со микроформати за вид Категорија:Флора на Македонија Категорија:Флора на Европа