— манга на Хиројуки Такеи, која излегувала од 1998 до 2004 г. во списанието Weekly Shonen Jump, како и нејзината аниме-адаптација, создадена од студиото Xebec во соработка со TV Tokyo. Според делото излегле многу видеоигри, игра со колекционерски карти и разновидни реквизити. Издавачката куќа Shueisha првично ја издала мангата во 32 тома, во кои приказната останала незавршена, но во текот на Jump Festa 2008 било објавено ново издание канзембан на целата серија.

Новата верзија — Shaman King Kanzen-Ban — излегла во 27 тома, вклучувајќи дополнителни глави и завршеток на заплетот на целата приказна. Исто така, за Shaman King Kanzen-Ban биле прецртани многу кадри од претходно издадените глави во подобрена графика без промена на заплетот.

Содржина На секои 500 години, Ѕвездата на Судбината, Лаго, проаѓа низ небото, известувајќи ги сите шамани во светот дека започнал Големиот турнир на шаманите. Ѕвездата на Судбината секогаш е придружувана од Раго — ѕвезда што му носи уништување и хаос на светот. Шаманите се способни да гледаат духови и да се борат заедно со нив како едно целина. Целта на Турнирот е да се поминат сите испитувања и борби и да се стане кралот на шаманите, обединувајќи се со Духовниот Крал — најголемиот и најсилниот дух во светот. Добивајќи ја моќта на духовниот крал, шаманот станува толку моќен што може да управува со целиот живот на Земјата.

Главниот лик Јо, од родот Асакура, мора да стане кралот на шаманите и да ја спречи претстојната несреќа. Јо брзо си наоѓа пријатели што исто така се шамани, како и обичниот младич Морти, кој му станува најдобар пријател. За да ја поминат квалификациската фаза на „Турнирот на шаманите“, тие мораат да им зададат по еден удар на членовите на советот во борба за правото да се борат за титулата кралот на шаманите.

Јо и сите негови пријатели успешно ја минуваат оваа рунда и добиваат мобилен оракул. Тој ги известува шаманите за информациите околу борбите, на пример, за местото на одржување на борбата и за противникот. По извесно време, Јо дознава за својот брат близнак — Хао Асакура. Веќе третпат по ред, Хаo, древен шаман, телепат и гатач, сонува да победи на Турнирот. Неговата цел е да го уништи човештвото, бидејќи смета дека човештвото ја уништува планетата. Тој верува дека само Шаманското Кралство, создадено и управувано од него, ќе постои во склад и согласност со природата. Тој веќе бил победен двапати — пред 1000 (во родот Асакура) и пред 500 (племето Пачи) години, со огромни напори. Секојпат кога се прераѓа, стапува сѐ посилен и помоќен, па сѐ потешко е да се справи човек со него. Овој пат се преродил во древната шаманска династија Асакура, што потекнува од неговото првично прераѓање, и само неговиот брат близнак Јо со духот Амидамару имаат шанса да му се спротивстават.

Медиуми

Манга Издавачката куќа Shueisha првично ја издала мангата во 32 тома, во кои приказната останала незавршена, но во текот на Jump Festa 2008 било објавено ново издание канзембан на целата серија. Новата верзија — Shaman King Kanzen-Ban — излегла во 27 тома, вклучувајќи дополнителни глави и завршеток на заплетот на целата приказна. Исто така, за Shaman King Kanzen-Ban биле прецртани многу кадри од претходно издадените глави во подобрена графика без промена на заплетот.

Аниме Од 4 јули 2001 до 25 септември 2002 г., на телеканалите TV Tokyo и Animax се прикажувала аниме-серијата. Производството на серијата било доверено на студиото Xebec, под водство на режисерот Сеиџи Мизушима, по сценариото на Кацухико Коиде. За ликовниот дизајн бил задолжен Акио Таками, а главен уметник бил Тошихиса Којама. Музичката придружба ја напишале Тошијуки Омори и Го Такахаши.

На 12 јуни 2020 г. била најавена обнова на аниме-серијата, која претставувала целосна адаптација на изворните заплети на мангата. Серијата започнала да се прикажува од 1 април 2021 г. и целосно завршила на 21 април 2022 г. со 52 епизоди.

Музика Почетни теми (јапонска верзија) # Изворен наслов Романизација Изведувач Епизоди 1 Over Soul (n/a) Мегуми Хајашибара 1 — 34 2 Northern Lights (n/a) Мегуми Хајашибара 35 — 64 Завршни теми (јапонска верзија) # Изворен наслов Романизација Изведувач Епизоди 1 Trust You (n/a) Мегуми Хајашибара 1 — 34 2 面影 Omokage, Reminiscent Мегуми Хајашибара 35 — 63 3 魂かさねて Tamashii Kasanete, Souls Overlap Јуко Сато 64

Наводи

Надворешни врски

Категорија:Манги Категорија:Манга од 1998 година Категорија:Аниме-серии Категорија:Манга од 2003 година