Џон Гривс (, 1602 — 8 октомври 1652) — англиски математичар, астроном и антиквар.
Образование Се школувал на Балиол колеџот во Оксфорд, а во 1624 г. бил избран за соработник на Мертон колеџот. Учел персиски и арапски јазик, набавил низа стари книги и ракописи за архиепископот Вилијам Лод (некои сѐ уште се чуваат во библиотеката на Мертон колеџ), и напишал трактат (на латински јазик) за персискиот јазик. Патувал низ Италија и Левантот од 1636 до 1640 г. и извршил мерење на Големата пирамида во Гиза.
Бил Грешамов професор по геометрија на Грешамовиот колеџ во Лондон и Савилијански професор по астрономија на Оксфордскиот универзитет, а собирал и астролаби и астрономски мерни инструменти (денес сместени во Музејот за историја на науката во Оксфорд). Особено се интересирал за проучувањето на мерките и тежините, напишал трактат за римската стапка и денариј, а бил и страстен нумизматичар. Во 1645 г. се обидел да ја реформира јулијанската календарска пресметка, што не била прифатена.
За време на Англиската граѓанска војна го поддржувал Чарлс I, кој престојувал на Мертон колеџот додека бил во Оксфорд, но ги загубил академските положби во Оксфорд во 1647 г. поради непријателството на Натаниел Брент, управник на Мертон колеџот и парламентарец.
Избрани дела Pyramidographia, or a Description of the Pyramids in Ægypt (1646) A Discourse on the Roman Foot and Denarius (1649) Elementa Linguae Persicae (1649) (заедно со Семјуел Фостер) Lemmata Archimedis, apud Graecos et Latinos iam pridem desiderata, e vetusto codice manuscripto Arabico... (1659)
Наводи
Надворешни врски
Measurer of all things: John Greaves – The great Pyramid and early Modern Metrology Astrolabe belonging to John Greaves Large astrolabe originally made for Queen Elizabeth I
Категорија:Родени во 1602 година Категорија:Починати во 1652 година Категорија:Англикански христијани од Англија Категорија:Починати на 8 октомври Категорија:Починати во Лондон Категорија:Британски математичари