Nissan Skyline GT-R

Nissan Skyline GT-R (се изговара: Нисан скајлајн Џи-ти-ар) — семејство спортски автомобили создадени врз основа на сериските автомобили Nissan Skyline.

Прво поколение (1969 — 1972) мини|лево|180пкс|Nissan Skyline 2000 GT-R HT Првиот Prince Skyline GT-R бил пуштен во февруари 1969 г. со каросерија седан (индекс PGC-10). Бил опремен со дволитарски 6-цилиндричен мотор S20 со моќност од 160 КС (118 kW), што било на ниво на најдобрите спортски автомобили од тоа време. Тежината на автомобилот изнесувала 1120 кг, што му овозможувало на Skyline GT-R да забрза од 0 до 100 км/ч за 8,2 с и да развие повеќе од 200 км/ч.

Skyline GT-R HT со каросерија купе (индекс KPGC-110) се појавил во март 1971 г.

Skyline GT-R одлично се покажал во автоспортот. За помалку од 2 години на седанот биле извојувани 33 победи во различни трки, а благодарение на купето оваа бројка била зголемена на 50 до 1972 г. GT-R не заостанувал зад автомобили како што се: Toyota 1600 GT5, Isuzu Bellett GTR, Mazda Familia (R100) и Capella (RX-2), па дури ни зад Porsche. Кон крајот на 1971 г., сериозен соперник за GT-R станала новата Mazda RX-3. GT-R исто така станал омилен автомобил на уличните тркачи.

Модел: 2000 GT-R — 2,0 л S20 I6, 160 КС при 7000 врт/мин и 177 Nm при 5600 врт/мин

Второ поколение (1972 — 1973) мини|десно|180пкс|Nissan Skyline 2000 GT-R Skyline GT-R од второто поколение со каросерија хардтоп (индекс KPGC-110) се појавил во септември 1972 г., но веќе во март 1973 г. производството било запрено поради нафтената криза. Луѓето сметале дека е најдобро да купуваат економични автомобили, па продажбата на спортските автомобили нагло паднала. Nissan го напуштил автоспортот. Само 197 примероци од GT-R биле продадени во Јапонија.

Модел: 2000 GT-R — 2,0 л S20 I6, 160 КС при 7000 врт/мин и 177 Nm при 5600 врт/мин Трето поколение R32 (1989 — 1994) right | thumb | 180px | Nissan Skyline R32 GT-R right | thumb | 180px | Nissan Skyline R32 GT-R Вистински успех се покажало враќањето во 1989 г. на верзијата GT-R (BNR32), проектирана во согласност со барањата на FIA за автомобили што учествуваат во трките од Групата А.

Та била опремена со електронски систем за погон на четири тркача 4WD ATTESA ETS (). Нејзина особеност била тоа што при појава на пролизгување на задните тркала, се вклучувале предните тркала, на кои им се пренесувале околу 50 % од вртежниот момент, што овозможувало да се надоместат загубите при пролизгувањето. Во основа, автомобилот останувал со заден погон. Системот HICAS, кој ја добил придавката Super, бил модернизиран и управуван со помош на електроника. 6-цилиндричниот мотор со зафатнина од 2,6 литри RB26DETT имал две турбини, што овозможувало да се достигне моќност од 500 КС при официјалните 276 КС (максимална моќност според џентлменскиот договор на јапонските производители на автомобили).

Со освојувањето на 29 победи во 29 трки во кружниот шампионат JTCC, со победата на 4 шампионати по ред од 1990 до 1993 г. и со поставувањето нов рекорд на времето за минување на Северната јамка на Нирбургринг за сериски автомобили, автомобилот ја докажал својата надмоќ.

Првично, во согласност со омологационите барања, на GT-R се вградувале 16-инчни тркала, што ја ограничувало големината и ефикасноста на сопирачките дискови. По промените во правилниците за трките, кои овозможиле користење на 17-инчни тркала, во февруари 1993 г. била издадена верзијата GT-R V-spec (од англ. victory = „победа“) со 17" тркала BBS и зголемени сопирачки механизми Brembo. Автомобилот исто така добил активен заден диференцијал. Една година подоцна била издадена V-Spec II, која се разликувала по пошироките пневматици.

Модели: GT-R — 2,6 л RB26DETT twin-turbo I6, 280 КС (206 кВт, 368 Nm) NISMO V-Spec V-Spec II

Четврто поколение R33 (1995 — 1998) right | thumb | 180px | Nissan Skyline R33 GT-R

Промените во конструкцијата на Nissan Skyline R33 RB26DETT во споредба со R32 имале еволутивен карактер и се однесувале главно на подвозјето. Автомобилот бил опремен со мотор од моделот RB26DETT со зголемен вртежен момент и иста максимална моќност, модификацијата со погон на сите тркача V-spec била опремена со систем за распределба на вртежниот момент меѓу оските ATTESA E-TS pro, во кој спаѓал диференцијалот со зголемено триење LSD и антиблокирачки систем. Во моторниот простор и багажникот биле поставени потпори за потпирачите на суспензијата. Автомобилот, како и претходно, се одликувал со преден браник со големи димензии и широк отвор, конфигурација на предните крила во стил „blister fender“ и заден спојлер со заканувачки изглед со прилагодлив агол на напад. Во моделската гама се појавила модификацијата LM limited, чија каросерија била обоена во светлосина боја, како и верзијата Autech со 4-вратна каросерија, издадена во ограничена серија по повод 40-годишниот јубилеј на моделот.

Пред официјалното издавање на R33, Nissan го забележал времето на круг на патеката Нирбургринг за R33 GT-R со кој управувал Дирк Шојсман. Автомобилот поставил време на круг од 7:59,887 минути, станувајќи првиот сериски автомобил што ја поминал границата под 8 минути. Исто така, тоа бил најбрзиот сериски автомобил на патеката. Во 1999 г. рекордот бил соборен од Skyline GT-R R34.

Модели: GT-R — 2,6 л RB26DETT DOHC twin-turbo I6, 305 КС (224 кВт, 375 Nm) (според пасош 280 КС) 4WD GT-R LM — 2,6 л RB26DETT DOHC twin-turbo I6, 305 КС (224 кВт) NISMO 400R — 2,8 л RBX-GT2 DOHC twin-turbo I6, 400 КС (294 кВт, 478 Nm) 4WD 4-врат. GT-R Autech version — 2,6 л RB26DETT DOHC twin-turbo I6, 305 КС (224 кВт, 375 Nm) (според пасош 280 КС) 4WD

Петто поколение R34 (1999 — 2002) 180px | thumb | right | Nissan Skyline R34 GT-R Nür 180px | thumb | right | Nissan Skyline R34 GT-R Nür Легендарниот автомобил повторно се појавил во јануари 1999 г. со изменето подвозје и други надградби. Новото поколение станало малку пократко од претходното, а предната оска се поместила понапред. Капаците на вентилите биле обоени во сјајна црвена боја, наместо црната што се нанесувала на капаците од претходните поколенија. Исто така биле усовршени турбополначите. Специјално за овој автомобил била проектирана нова, поцврста 6-степена менувачка кутија GETRAG. Кај моделите V-spec се појавиле сетилници за температура на интеркулерот. На R34 GT-R се вградувал 5,8" LCD-екран, кој овозможува преглед на параметри како што се притисокот на турбополнењето, температурата на маслото и течноста за ладење, а за V-spec, исто така и графикон на надолжните и напречните забрзувања и времето на круг во кружни трки.

Исто така, како и поколението R33, новите модели R34 GT-R V-spec биле опремени со ATTESA E-TS Pro system, но на стандардните GT-R системите „Pro“ не се вградувале. Верзиите V-spec добиле постабилна суспензија и спуштена положба. Моделите V-spec исто така вклучувале пластичен дифузор што се наоѓал на хаубата (кој ја изладувал долната страна на моторот), и карбонски дифузор, направен да насочува мазни протоци на воздух под автомобилот.

Втората верзија на R34 GT-R била наречена M-spec. Моделот бил сличен на V-spec, но имал помека суспензија и кожен ентериер.

За време на производството на петтото поколение на GT-R, Nissan започнал да развива верзија под името N1, која исто така претходно се произведувала кај моделите R32 и R33, и технички била слична на претходниците. На N1 немало: клима-уред, заден бришач и стереосистем. Вкупно биле произведени само 45 автомобили, 12 од кои биле користени од одделот Nismo (Nissan Motorsport) за учество во тркачките шампионати Super Taikyu. Повеќето од преостанатите автомобили биле продадени на тркачки екипи и екипи за тјунинг.

Во август 2000 Nissan претставил нов модел под името V-spec II. Автомобилот добил прилично поцврста суспензија (поцврста отколку на оригиналниот V-spec). На новата верзија се појавила карбонска хаубата, полесна од алуминиумската, која претходно се вградувала на сите GT-R. Уште една разлика меѓу V-spec II и оригиналнот е потемната боја на централната конзола. Исто така, седиштата биле изработени од црна ткаенина, а не сива, која претходно се користела на другите верзии на R34 GT-R.

Во февруари 2002 Nissan го издал последниот модел од серијата R34 GT-R, наречен Nür. Се продавал во 2 верзии: Skyline GT-R V-spec II Nür и Skyline GT-R M-spec Nür. Името Nür било дадено во чест на познатата тркачка патека Нирбургринг во Германија. Двете верзии биле опремени со модернизиран мотор RB26DETT базиран на моторот N1, што му овозможувало на автомобилот да развие брзина од околу 300 км/ч.

Модели и опции: GT-R — 2,6 л RB26DETT twin-turbo I6, 332 КС (244 кВт, 392 Nm) (според пасош 280 КС) GT-R V-Spec — дополнителни аеродинамични делови, вентилациски канали за сопирачките, аеродинамичен дифузор. GT-R V-Spec II — исто како V-Spec + карбонска хаубата со канали NACA duct. GT-R N1 — мотор N1 со систем за балансирање „Blueprinted“, нема клима-уред, нема стереосистем, нема заден бришач, основна завршна обработка на ентериерот (произведени 45 примероци). GT-R M-Spec — кожен ентериер, помека суспензија, седишта со греење. GT-R V-Spec II Nür — исто како V-Spec II + мотор N1, максимална брзина околу 300 км/ч (произведени 750 примероци). GT-R M-Spec Nür — исто како M-Spec + мотор N1, максимална брзина околу 300 км/ч (произведени 250 примероци). GT-R NISMO R-tune GT-R NISMO Z-tune — 2,8 л RB26DETT Z2 twin-turbo I6, 510 КС (375 кВт, 550 Nm) Z1 со Z2 (произведени 19 примероци).

Производствени показатели: Стандардни версии === 3.964 V-Spec === 7.301 Тркачки версии N1 === 45 Вкупно === 11.310

Шесто поколение R35 (2007—) міні|праворуч|180пкс|Nissan GT-R міні|праворуч|180пкс|Nissan GT-R

Веќе е познато дека почнувајќи од 2008 г., во продажба излегол ажурираниот Nissan Skyline, кој го добил името Nissan GT-R. Компанијата Nissan одлучила својот Skyline да го нарече едноставно GT-R, бидејќи сите Nissan Skyline вклучувајќи го R34 биле само видоизменувања на Skyline, а сега тоа е сосема друг автомобил, кој патем кажано губи од R34 во сите показатели и нема ништо заедничко со него. Nissan GT-R е опремен со шестцилиндричен V-мотор VR38DETT, со зафатнина од 3,8 литри и два турбополначи. Моќноста на Nissan GT-R е 480 КС при 6800 врт/мин, а вртежниот момент изнесува 588 Nm при 3200–5200 врт/мин. Секако, Nissan GT-R е опремен со погон на четири тркала со диференцијал што механички се блокира и 6-степена менувачка кутија со двојна спојка. Максималната брзина на GT-R изнесува 310 км/ч, при што забрзувањето од 0 до 100 км/ч трае само 2,8 секунди, а со вклучен систем за контрола на стартот за 3,3 секунди.

Што се однесува до пневматиците, во стандардната опрема на Nissan GT-R доаѓаат пневматици Bridgestone RE070A: предни 255/40 R20 и задни 285/35 R20, фелни од ултралесна алуминиумска легура R20. Сопирачкиот систем е опремен со 15-инчни диск-сопирачки Brembo со 6-клипни сопирачки клешти напред и 4-клипни назад. Секако, постојат системи ABS, Brake Assist, EBD. Суспензијата на новиот Nissan GT-R е Bilstein DampTronic, независна, со режими: Sport/Normal, Comfort и R mode.

Наводи

Надворешни врски

NISMO Japan website

Категорија:Автомобили од 1960-тите Категорија:Автомобили од 1970-тите Категорија:Автомобили од 1980-тите Категорија:Автомобили од 1990-тите Категорија:Автомобили од 2000-тите