Status Quo или познати како The Quo или само како Quo — британска рок група основана во Лондон во 1962 година. Групата ја основале тогашните средношколци Френсис Роси и Алан Ланкастер. По неколку промени на името и на составот на групата, во 1967 година групата била преиминувана во The Status Quo и во Status Quo во 1969 година. Групата без прекин е активна и денес (2024 година) (и покрај тоа што објавиле дека се распаѓаат во 1984 година, тие следната година настапиле на Live Aid и во 1986 година продолжиле со вообичаените активности).

Тие имале преку 60 песни кои се пласирале на топ-листата во Обединетото Кралство, најмногу песни за една група на таа топ-листа. Меѓу нив најпознати се: „Pictures of Matchstick Men“, „Down Down“, „Rokin' All Over the World“, „Whatever You Want“, „In the Army Now" и „What You're Proposing". Дваесет и две нивни песни влегле во топ-10 на Британската топ-листа за синглови, а педесет и седум стигнале до топ-40. Групата има издадено преку 100 синглови и 33 албуми, од кои повеќето биле бестселери. Во 1972 година со албумот Piledriver се искачиле на 5-то место на Британската топ-листа за албуми, а потоа уште 24 нивни албуми се пласирале во топ-10 на топ-листата во Обединетото Кралство, заклучно со нивното последно издание, Backbone од 2019 година. Во 2012 година, со 7,2 милиони продадени синглови само во ОК, групата била ставена на десетто место на списокот на „Групи со најмногу продадени синглови во Обединетото Кралство на сите времиња“.https://www.officialcharts.com/chart-news/the-official-top-20-biggest-selling-groups-of-all-time-revealed-__2515/ Во 2015 година, тие биле една од само 50-те музичари кои успеале кумилативно да се задржат повеќе од 500 недели на топ-листата за албуми во ОК. Status Quo се една од најуспешните и најпродаваните групи на сите времиња, особено во Обединетото Кралство.

Во јули 1985 година, групата го отворила фестивалот Live Aid на Вембли со песната „Rockin' All Over the World“. Во 1991 година, Status Quo добиле Британска музичка награда за исклучителен придонес во музиката."1991 – Outstanding Contribution to Music Award – Status Quo" . Brits.co.uk. Retrieved 30 October 2012 Во 2014 година ја освоиле наградата „Service to Rock“ на Керанг! Наградите.https://www.leehawkins.com/NoFrames/Reviews/jun14.htm Status Quo е група со најмногу настапи во емисијата Top of the Pops на BBC. Поради нивниот успех и долгогодишна кариера, а делумно и поради нивната поврзаност со британското кралско семејство, медиумите во Британија често ги нарекуваат „национална институција“. Групата продала околу 108-118 милиони плочи ширум светот.

Членови Сегашни членови

Френсис Роси – главна гитара, вокал (1962-денес) Енди Боун – клавијатури, ритам гитара, хармоника, вокал (1981–денес; дополнителен музичар во текот на 1976–1981) Џон „Рино“ Едвардс – бас, ритам гитара, вокал (1985–денес) Леон Кејв – тапани, перкусии, придружни вокали (2013–денес) Ричи Мелоун – ритам гитара, вокал (2016-денес)

Поранешни членови

Алан Ланкастер – бас, вокал (1962–1985; повторно обединување во текот на 2013–2014 година; починал во 2021) Алан Ки – тапани, перкусии (1962–1963) Џес Јаворски – клавијатури (1962–1965; починал во 2014) Џон Коглан – тапани, перкусии (1963–1981; повторна средба во текот на 2013–2014) Рој Линс – клавијатури, вокал (1965–1970) Рик Парфит – ритам гитара, вокал (1967–2016; починал 2016) Пит Кирчер – тапани, перкусии, вокал (1981–1985) Џеф Рич – тапани, перкусии (1985–2000) Мет Летли – тапани, перкусии, вокал (2000–2013)

Дискографија

Picturesque Matchstickable Messages from the Status Quo (1968) Spare Parts (1969) Ma Kelly's Greasy Spoon (1970) Dog of Two Head (1971) Piledriver (1972) Hello! (1973) Quo (1974) On the Level (1975) Blue for You (1976) Rockin' All Over the World (1977) If You Can't Stand the Heat... (1978) Whatever You Want (1979) Just Supposin''' (1980) Never Too Late (1981) 1+9+8+2 (1982) Back to Back (1983) In the Army Now (1986) Ain't Complaining (1988) Perfect Remedy (1989) Rock 'til You Drop (1991) Thirsty Work (1994) Don't Stop (1996) Under the Influence (1999) Famous in the Last Century (2000) Heavy Traffic (2002) Riffs (2003) The Party Ain't Over Yet (2005) In Search of the Fourth Chord (2007) Quid Pro Quo (2011) Bula Quo! (2013) Aquostic – Stripped Bare (2014) Aquostic II – That's a Fact! (2016) Backbone'' (2019) Наводи

Надворешни врски Status Quo матична страница

Категорија:Британски музички групи Категорија:Добитници на Британски музички награди Категорија:Музички групи од Лондон Категорија:Англиски хард рок групи Категорија:Англиски рокенрол-групи Категорија:Англиски квартети Категорија:Музички групи основани во 1962 година