Џанлујџи Буфон (итал. Gianluigi Buffon, во Карара, Италија) — италијански фудбалер, голман, на Парма и поранешен репрезентативец на Италија.

Својата кариера ја започнал во Парма за која дебитирал во 1995 година. Во 2001 година, кога Јувентус го купил од Парма за 48,5 милиони евра, Буфон станал најскап голман во светот, сè до трансферот на Алисон Бекер од Рома во Ливерпул во 2018.Најголемиот дел од својата кариера го поминал токму во Јувентус од 2001 до 2018 година, пред да се врати повторно во клубот во летото 2019 по една сезона во .

Кариера Почетоци Џанлујџи Буфон својата фудбалска кариера ја започнал во клубот Парма во 1995 година. Бил член на Италијанската олимписка репрезентација во 1996 на Олимписките игри во Атланта. Првиот професионален натпревар го одиграл во Серија А против Милан. По одличните настапи во дресот на Парма добил повик за настап во репрезентацијата, за да го замени одличниот Паљука во квалификациите за Светското првенство во фудбал во 1998 година против Русија во Москва. Бил повикан и на финалниот турнир за Светското првенство, но не одиграл ниту еден натпревар. Кога и помогнал на Италија во квалификациите за Европското првенство во 2000 година.

Јувентус Во 2001 преминал од Парма во Јувентус за 48,5 милиони евра, со што станал најскап голман во светот, а тој износ и до ден денеска не е надминат. Играл на Светското првентсво 2002 година.

Во 2003 година УЕФА го прогласил за најкорисен играч и најдобар голман. Во 2004 година, Пеле го сместил помеѓу 125 најдобри играчи. Истата година настапил на Европското првенство во Португалија. На Светското првенство во 2006 година примил само 2 гола (еден автогол на Ѕакардо, а вториот од пенал од Зидан во финалето). Буфон го сочувал својот гол 453 минути, што го пласирал на петто место на несовладливи голмани на сите светски првенства. На тоа првенство Италија ја освоила титулата Светски првак. ФИФА повторно го прогласила за најдобар голман во 2006 година. Тој е рекордер меѓу голманите во Серија А, каде бил избран за Голман на годината 8 пати.

На 20 март 2016, во градското дерби против Торино, Буфон поставил нов рекорд во Серија А по бројот на минути без примен гол, надминувајќи го рекордот на некогашниот голман на Милан Себастијано Роси од 929 минути без примен гол во сезоната 1993-1994;Buffon establishes new recored of 974 minutes without conceding a goal рекордот на Буфон изнесува 974 минути, а неговата серија од 10 натпревари без примен гол завршила во 48-мата минута кога тој бил совладан од напаѓачот на Торо Андреја Белоти од пенал за моментален резултат 1-2, но на крајот Јувентус победил со 1-4.Buffon sets record as Juve win again, Higuain boosts Napoli

На 13 ноември 2017 година Буфон го одиграл својот последен 175-ти меѓународен натпревар, во реванш двобојот од баражот за Светското првенство во фудбал 2018 против Шведска, на стадионот Сан Сиро во Милано. Натпреварот завршил со нерешен резултат 0-0, со што италијанците не успеале да го надоместат дефицитот од еден гол на шваѓаните од првиот натпревар и така не успеале да се квалификуваат на Светско првенство за првпат по 60 години. Во текот на натпреварот, Буфон исто така го изедначил и рекордот на Фабио Канаваро како играч со најмногу настапи за Италија како капитен. Веднаш по крајот на натпреварот, тој најавил повлекување од националниот дрес со рекордни 175 настапи во него.

Париз Сен-Жермен На 6 јули 2018 година, Буфон потпишал едногодишен договор со опција за продолжување на уште една година со францускиот Париз Сен Жермен.

Враќање во Јувентус На 4 јули 2019, после една сезона во Франција Буфон се вратил во Јувентус, потпишувајќи договор до 30 јуни 2020.

Титули Клупски Парма Куп на УЕФА : 1 1998-1999 Куп на Италија : 1 1998-1999 Суперкуп на Италија : 1 1999

Јувентус Серија А : 10 (рекорд) 2001-2002, 2002–2003, 2011–2012, 2012-2013, 2013-2014, 2014-2015, 2015-2016, 2016-2017, 2017-2018, 2019-2020 Серија Б : 1 2006-2007 Куп на Италија : 5 (вклучувајќи го оној со Парма има вкупно 6, рекорд поделен со Роберто Манчини) 2014-2015, 2015-2016, 2016-2017, 2017-2018, 2020-2021 Суперкуп на Италија : 6 (вклучувајќи го оној со Парма има вкупно 7, рекорд) 2002, 2003, 2012, 2013, 2015, 2020

Париз Сен Жермен Лига 1 : 1 2018-2019 Суперкуп на Франција : 1 2018

Репрезентативни Италија ФИФА Светско Првенство : 1 2006

Наводи

Надворешни врски

Џанлујџи Буфон на официјалната вебстрана на Јувентус Џанлујџи Буфон на ESPN Џанлујџи Буфон на soccerway

Категорија:Фудбалери на ФК Парма Категорија:Фудбалери на ФК Јувентус Категорија:Фудбалери на ФК Париз Сен Жермен Категорија:Италијански фудбалери Категорија:Италијански голмани Категорија:ФИФА 100 Категорија:Живи луѓе Категорија:Фудбалери во Серија А Категорија:Фудбалери на Европско првенство 2012 Категорија:Фудбалски голмани