Јужноцентралниот африкански црн носорог (Diceros bicornis minor) познат и само како Јужноцентрален црн носорог е подвид на Црниот носорог. Иако е најброен од сите подвидови на овој носорог, сепак се наоѓа на списокот на критично загрозени видови според „Меѓународниот сојуза за заштита на природата“ (МСЗП). Како и останатите повидови и овој носорог има испакната горна усна и живее во саваните.
Распространетост Во минатото бил распространет од западна и јужна Танзанија, преку Замбија, Зимбабве и Мозамбик, до северните и источните делови на Јужноафриканска република. Најверојатно бил присутен и во јужните делови на Конго, северна Ангола и источна Боцвана. Денес, најбројната популација се наоѓа во Јужна Африка, а помала популација има и во Зимбабве. Многу мали популации се среќаваат и во Свазиленд и јужна Танзанија. Јужноцентралниот африкански црн носорог денес се смета за изумрен во Боцвана, Замбија, Ангола и најверојатно во Мозамбик.
Популации Вкупната популација на јужноцентралниот црн носорог во 1980-тите била 9090 единки . Прекумерниот лов поради неговиот рог, ја намалил оваа бројка на 1300 во 1995 година. Во 2001 година, популацијата е проценета на 1651 единка. Во последните 50 години, бројот на овие носорозои е намален за 90%. Најголема закана претставува нелегалниот лов кој за среќа се намалува во последните години.
Наводи
Надворешни врски http://www.rhinos-irf.org/ (International Rhino Fund dedicated to the conservation of rhinos) http://www.iucnredlist.org/search/details.php/39321/summ http://www.iucnredlist.org/search/details.php/39321/doc http://www.iucnredlist.org/search/details.php/39321/all http://www.rhinos-irf.org/rhinoinformation/blackrhino/subspecies/southc.htm
Категорија:Непарнокопитни Категорија:Носорози