Многуперки или бихири — семејство на зракоперки кои личат на еволутивно најстарите коскени риби. Оваа фамилија е единствена во редот Polypteriformes
Сите видови се среќаваат во слатководни станишта во тропска Африка и реката Нил, главно во мочуришни и плитки преплавени рамнини и естуари.
Изглед и анатомија
Бихирите се издолжени риби со одделни серии на грбни перки (и до 15 на број), наместо со една грбна перка. Секоја од овие перки има остра боцка. Телото е прекриено со дебели, коскести и ганоидни лушпи. Градбата на нивните вилици е многу поблиска до онаа на четириношците отколку на телеостеите (вистински коскени риби). Бихирите поседуваат и други примитивни одлики, како меснати пекторални перки кои многу наликуваат на тие од резноперките. Тие исто така имаат спиракули.
Бихирите имаат рудиментирани бели дробови, кои им дозволуваат да дишат кислород од воздухот кога се наоѓаат во слабо оксигенирани водиBerra, Tim M. (2001). Freshwater Fish Distribution. San Diego: Academic Press. ISBN 0-12-093156-7, при што пливаат брзо до површината и повторно се враќаат на дното. Тие се ноктурни и се исхрануваат со мали ‘рбетници, ракчиња и инсекти.
Телесната должина на бихирите достигнува 97 cm, иако многу видови можат да надминат и до 35 cm.
Значење за луѓето
Бихирите се популарни во јавните и домашните аквариуми. Иако се грабливци, тие се мирољубиви и релативно неактивни, и претпочитаат да лежат на дното, а се пријателски настроени кон риби кои се доволно големи и не можат да им бидат плен.
Видови
Постојат дванаесет рецентни видови сместени во два рода:
Ред Polypteriformes Фамилија Polypteridae Род Erpetoichthys Reedfish, Erpetoichthys calabaricus Smith, 1865. Род Polypterus Guinean bichir, Polypterus ansorgii Boulenger, 1910. Polypterus bichir Nile bichir, Polypterus bichir bichir Lacépède, 1803. Polypterus bichir katangae Poll, 1941. Polypterus bichir lapradei Steindachner, 1869. Barred bichir, Polypterus delhezi Boulenger, 1899. Polypterus enlicheri Polypterus endlicheri congicus Boulenger, 1898. Saddled bichir, Polypterus endlicheri endlicheri Heckel, 1847. Polypterus mokelembembe Schliewen & Schafer, 2006. Ornate bichir, Polypterus ornatipinnis Boulenger, 1902. Polypterus palmas Polypterus palmas buettikoferi Steindachner, 1891. Shortfin bichir, Polypterus palmas palmas Ayres, 1850. Polypterus palmas polli Gosse, 1988. West African bichir, Polypterus retropinnis Vaillant, 1899. Polypterus senegalus Polypterus senegalus meridionalis Poll, 1941. Gray bichir, Polypterus senegalus senegalus Cuvier, 1829. Polypterus teugelsi Britz, 2004. Mottled bichir, Polypterus weeksii Boulenger, 1898.
Изумрени видови се: Polypterus faraou Otero et al., 2006 — late Miocene.
Наводи
Надворешни врски FishBase entry for Polypteridae
Категорија:Зракоперки Категорија:Живи фосили