Ашот Наданјан (ерменски:Աշոտ Նադանյան; руски:Ашот Наданян) (роден на во Баку, Азербејџанска ССР, Советски Сојуз) е ерменски шаховски меѓународен мајстор, теоретичар и шаховски тренер. Во 1998 станал заслужен тренер на Ерменија, а во 2007 официјален ФИДЕ тренер.World Chess Federation: Arbiters - Trainers Познат е и по неговиот придонес во развојот на шаховската теорија. Во 1996, Наданјан вовел нова варијанта во Гринфелдовата одбрана, која по него е наречена Наданјанова варијанта.Bill Wall's list of chess opening names

Шаховска кариера Наданјан се натпреварувал на младинските шаховски првенства на Советскиот Сојуз во 1987, 1988 и 1989 и на шаховските првенства на Ерменија во 1997, 1998 и 1999. Тој исто така учествувал и на шаховската Олимпијада во 1996 во Ереван. Во 1998, Наданјан настапил на меѓузонскиот турнир во Панормо, на кој завршил на делба од 7.-11. место, во конкуренција на 72 шахисти. Првопласираните 4 шахисти од овој турнир, учествувале на светското првенство во 1999, кое се одржа во Лас Вегас. Во 2000, учествувал на првото европско првенство во шах во Свети Винсент

Други значајни резултати: Ченстохова-опен, (Полска, 1992) — 1.-2. место; Тбилиси, (Грузија, 1996)Tbilisi op 1996 - 365Chess.com Tournaments — 1-е место; Пасанаури-опен, (Грузија, 1997) — 1.-2. место; Њујорк-опен, (САД, 1998)Armenians Sweep 1998 New York Open Chess Tournament („Б“) — 4.-7. место; Аерофлот-опен (Москва, 2002)Aeroflot Open 2002 („А“) — 35. место место од 132 натпреварувачи, од кои повеќе од 80 велемајстори; Меморијал Голдберг (Москва, 2004)FIDE Chess Tournament report: 20th Goldberg Memorial — 2.-3. место; Куала-Лумпур-опен, (Малезија, 2006)ChessBase.com - Report on the 3rd IGB Dato’ Arthur Tan Malaysia Open Chess Championship — 6.-10. место; Куп АСЕАН (Таракан, Индонезија, 2008)FIDE Chess Tournament report: 1st Leg ASEAN Circuit Chess Tournament 2008 (GM Section B) — 2.-3. место; Куала Лумпур-опен, (Малезија, 2008)ChessBase.com - 5th Dato’ Arthur Tan Open — 3.-7. место; Сеул-опен, (Јужна Кореја, 2008)Chess-results.com - 1st Korea Open chess tournament 2008 — 6.-10. место.

Рејтинг и стил на игра Според шахометриските методи, својот највисок ранг Наданјан го имал со игрите во октомври 2003, игра еквиваентна на рејтинг од 2568 бода, со што би бил на 216. место во светот. Сепак, својот врвен ранг Ашот го постигна во јули 1997, кога имаше рејтинг според ФИДЕ од 2475 бода. Својот најдобар резултат го постигнал на турнирот Аерофлот во 2002, на кој тој освои 5 од можните 9 бода (56% успешност), против противници со просечен рејтинг од 2628, остварувајќи проценет рејтиг од 2636 бода.

Во јули 2009, според рејтинг списокот на ФИДЕ, Ашот Наданјан има рејтинг од 2441 бод. Тој има две велемасторски норми.

Наданјан има живописен и авантуристички стил на игра. Тој сака свежина во позициите, невообичаени линии и чудни маневри во остварувањето на своите цели.

Магазинот Kingpin го нарече „брилијантен ексцентрик“."Hack Attack", Kingpin, бр. 39, Spring 2007, стр. 43

Шаховски теоретичар

Наданјан е познат по неговите придонеси во теориата на отворањата. Има две варијанти кои се наречени о него: Наданјанова варијанта во Гринфелдова одбрана (1.d4 Sf6 2.c4 g6 3.Sc3 d5 4.cxd5 Sxd5 5.Sa4) и Наданјановиот напад во Отворање со дамски пешак (1.d4 Sf6 2.Sf3 h6 3.c4 g5).New in Chess Yearbook 78, 2006, стр. 6, стр. 17

Постојат и други негови новинки, кои се вопведени во отворањата со дамски пешак. Некои од нив настануваат со потезите: 1.d4 d5 2.c4 e6 3.Sc3 Le7 4.Sf3 Sf6 5.Lf4 0–0 6.e3 c5 7.dxc5 Lxc5 8.Dc2 Sc6 9.a3 Da5 10.Ta2; 1.d4 Sf6 2.c4 e6 3.Sf3 b6 4.g3 La6 5.b3 Lb4+ 6.Ld2 Le7 7.Lg2 c6 8.Lc3 d5 9.Se5 Sfd7 10.Sd3.

Шаховски тренер Наданјан дипломирал на Државниот институт по физичка култура во Ереван во 1994. Оттогаш, тој започнал да работи како тренер. Во 1998, тој станал најмладиот заслужен тренер на Ерменија, на само 26 години. Меѓу неговите студенти, најпознати се велемајсторите Саргисјан, Акобјан и ред други меѓународни мајстори.

Од декември 1999 до август 2001, Ашот работел во Кувајт како национален тренер на оваа земја. Од март 2005, тој е национален тренер на машката шаховска репрезентација на Сингапур.

Во 2007, Наданјан стана официјален ФИДЕ тренер.

Антологиски шаховски партии Ашот Наданјан-Габриел Саргисјан, првенство на Еменија 1999, Англиско отворање, Симетрчина варијанта (A30), 1-0 Ашот Наданјан-Звиад Изорија, Аерофлот-опен, Кралско-индиски напад (A07), 1-0 Виктор Бологан-Ашот Наданјан, Аерофлот-опен, Сицилијанска одбрана, Паулзен-Басманова одбрана (B40), 0-1 Ву Шаобин-Ашот Наданјан, Сингапур, 2006, Будимпештански гамбит, Адлерова варијанта (A52), 0-1

Поврзано Гринфелдова одбрана, Наданјанова варијанта

Наводи

Надворешни врски

Ашот Наданјан на 365Chess.com. 224 партии и 2 прегледа на New In Chess Податоци за рејтинг Шахометричар:Ашот Наданјан

Категорија:Ерменски шахисти Категорија:Советски шахисти Категорија:Шаховски теоретичари Категорија:Шаховски тренери Категорија:Живи луѓе Категорија:Афористи