Ајри Демировски (турски: Hayri Önder; , — , Турција, ) — македонски музичар од турско потекло. Најпознат е како автор на песната „Битола, мој роден крај“.
Животопис Демировски е роден во 1927 година во Битола. Како млад го изучувал берберскиот занает кај Вангел Тодоровски - Мајорот, подоцнежен народен херој.„За Битола мој роден крај почесна титула“, „Вечер“, 27 октомври 2006. По ослободувањето бил првиот ученик од Битола испратен во Загреб во графичкото училиште да го изучува печатарскиот занает. Но, во Битола тој никогаш не работел како печатар. Се вработил како чувар во Радио Битола. Работејќи во радиото имал несекојдневна прилика редовно да ги слуша во живо најпопуларните битолски и македонски пејачи. Тоа го поттикнало да почне да размислува во насока на создавање на нова македонска музика.
Демировски има компонирано над педесетина песни. Негови се популарните: „Мариче ле лично девојче“, „Таму ле мајко близу Битола“, „Само ти се чудам Цвето“, „Сношти те Маре сонував“, „За кого ти цути Дано лицето“, „Денот ми наближа на гурбет да заминам" и многу други, за кои се смета дека се народни, бидејќи се општоприфатени и пејани.
Најпопуларната меѓу нив е неговата антологиска песна „Битола, мој роден крај“, песна во која ја опеал својата огромна љубов кон родната Битола, песна која претставува неповторлив музички симбол и по која Битола ја препознаваат и распознаваат. Битолчани оваа песна ја прогласиле за песна на векот, а Демировски за почесен граѓанин на Битола во 2006 година.
За Турција заминал во 1955 година.„Земја од Битола на гробот на Ајри Демировски“, „Утрински Весник“, 23 јуни 2011. Продукциската куќа ISR од Истанбул за Демировски подготвувала документарен филм во кој во финалната фаза се снимала во Битола кога екипата била затекната од тажната вест за смртта на Демировски. Починал во Измир, Турција на 21 октомври 2009 каде што живеел 25 години.
„Каде и да заврши мојот живот, срцето секогаш ќе ми остане во Битола.“
Песни Битола мој роден крај Таму ле мајко близу Битола Мариче ле, лично, девојче Само ти се чудам Цвето Сношти те Маре сонував За кого ти цути Дано лицето Денот ми наближа на гурбет да заминам Збогум мајко Сношти поминав заминав Чујте ме мили земјаци Доста, доста лична ле Стојне Саноќ ле Наде За кого ти цути Дано лицето Болен лежи млад Стојан Магдо мори Магдалено Не се фаќај Доне Донке Саноќ седам Трено Џема Џемила Мори моме малој моме Каде си тргнала Јано Гугутка гуга
Почести 2006 - почесен граѓанин на Битола
Наводи
Надворешни врски Демировски како почесен граѓанин на Битола Битола мој роден крај на Јутјуб Збогум мајко на Јутјуб Сношти поминав заминав на Јутјуб Чујте ме мили земјаци на Јутјуб Доста, доста лична ле Стојне на Јутјуб Саноќ ле Наде на Јутјуб За кого ти цути Дано лицето на Јутјуб Болен лежи млад Стојан на Јутјуб Магдо мори Магдалено на Јутјуб Таму ле мајко близу Битола на Јутјуб Не се фаќај Доне Донке на Јутјуб Саноќ седам Трено на Јутјуб Џема Џемила на Јутјуб Мори моме малој моме на Јутјуб Каде си тргнала Јано на Јутјуб Гугутка гуга на Јутјуб
Категорија:Родени во 1927 година Категорија:Починати во 2009 година Категорија:Македонски музичари Категорија:Македонски пејачи Категорија:Луѓе од Битола Категорија:Македонски Турци Категорија:Македонци од Турција Категорија:Почесни граѓани на Битола