Свети Антониј Велики (, Кома, Египет - ) — православен светец.
По смртта на своите благородни и богати родители, тој го поделил наследениот имот со својата малолетна сестра, ја згрижил кај некои свои роднини, својот дел од имотот го раздал на сиромасите, и во својата 20-та година се посветил на подвижнички живот, кон којшто тежнеел уште од детството. Најнапред се подвизувал во близината на своето село но да би го избегнал обеспокојувањето од луѓето се оддалечил во пустината, на бреговите на Црвеното Море каде што како затвореник поминал 20 години.
Неговата слава се пронесла низ целиот свет и околу него се собрале многу ученици, кои тој ги поучувал со личен пример и со зборови за патот на спасението. Во својот 85-годишен подвижнички живот само двапати отишол во Александрија и тоа, првиот пат барајќи мачеништво во време на гонењето на црквата, а вториот пат на покана на Свети Атанасиј за да одговара на клеветите од ариевците кои го оптужиле дека e поддржувател на Ариевата ерес.
Иако Антониј не бил писмен, бил советник и наставник на најучените луѓе од тоа време, како што бил св. Атанасиј Велики. Кога некои грчки филозофи го искушувале со литературна мудрост, Антониј ги засрамил со прашањето: “Што e постаро: разумот или книгата и што (од тие двете) e причина за другото?”
Според црковни извори, еден ден во црквата, тој ги слушнал зборовите:
Свети Антониј целиот негов живот го посветил на исполнување на овие зборови. Во текот на многу години ги поминал сите скалила на духовниот живот и со својот живот станал пример за сите монаси до денешен ден.
Свети Антониј Велики починал од природна смрт на возраст од 105 години, во 356 година.
Изреки Тој кој живее самотнички, ослободен е од три борби: говорот, видот и слухот. Кај него единствено останува борбата на срцето.
Провери и испитај, ќе видиш дека валстодршците имаат власт само над твоето тело но не и над твојата душа. Имај го тоа секогаш предвид.
Умни не се тие кои ги научиле изреките и списите на древните мудреци, туку тие кои го разликуваат доброто од злото.
Поврзано Коптски светци Хермит Манастир Свети Антониј, Египет
Надворешни врски
Католичка Енциклопедија: St. Anthony, Abbot Видео на врковниот историчар Ендрју Велс кој ја раскажува приказната за Антониј
Категорија:Светци на Златната Легенда Категорија:Христијански светци од 4 век Категорија:Православни светци Категорија:Египетски светци Категорија:Египетски пустиници Категорија:Источнокатолички светци Категорија:Египетски римокатолички светци Категорија:Римокатолички светци Антониј од Египет Категорија:Христијански монаси Категорија:Англикански светци Категорија:Патристика Категорија:Преподобни Категорија:Црковни отци Категорија:Пустински отци Категорија:Римјани од 3 век Категорија:Римјани од 4 век Категорија:Добротољубие Категорија:Христијански светци од 3 век