Стојан Николов Георгиев (Мачката) — македонски национален деец од пиринскиот дел на Македонија, борец за националните права на Македонците под Бугарија.
Стојан Георгиев потекнува од бунтовничко македонско семејство. Неговиот дедо од мајчина страна цели пет години поминал во затворот „Еди куле“ како борец за ослободување на Македонија од Османлиското ропство. И други негови предци се бореле и умирале за слободата на македонскиот народ.
Стојан Георгиев (наречен Томовичин по дедо му Томо) — роден на 18 март 1938 година во градот Петрич, Пиринскиот дел на Македонија. Уште како ученик на 18-годишна возраст доаѓа во судир со бугарската власт поради неговиот јавно искажан став за постоење на Македонците како посебен народ од Бугарите и членство во илегалната македонска организација Илинден. Покрај бројните полициски испитувања и малтретирања од секаков вид, има одлежано две затворски казни од по четири години.
По паѓањето на комунизмот во Бугарија, избран е за прв претседател на ОМО „Илинден“. Наспроти сите закани и притисоци во Бугарија, учествува на разни меѓународни средби на кои го брани правото на Македонците да се стекнат со своите национални права.
Творештво Стојан Георгиев е автор на книгите „Македонија над сѐ“ и „Повест за една Македонка“. За него е напишана и песната „Пирински Македонец“, по текст на Крсте Наумоски, композиција на Тоде Новачевски, во изведба на Марика Неделковска.
Наводи
Литература Д-р Васил Јотевски "Македонците во пиринскиот дел на Македонија 1949-1989"
Надворешни врски
Македонија над сè , Стојан Георгиев-Томовичин, Битола, 1990 Интервју со Стојан Георгиев. Говор на Стојан Георгиев на конференција на Обединетата Македонска Дијаспора Протест на ОМО Илинден-ПИРИН со изјава на Стојан Георгиев
Т Категорија:Македонци во Бугарија