Лоара () — најдолга река во Франција. Извира меѓу вулканските врвови на Севените, на југоисточниот раб на Централниот Масив. Нејзиниот извор е оддалечен само 160 км од Средоземното Море и утоката на Рона. Почнувајќи го својот тек а север, по должината на повеќе разделени вдлабнатини во рамките на масивот, Лоара потоа кривули низ централна Франција по должината на плитка долина со стрмни падини. Реката свртува кон запад во близина на градот Орлеан, минувајќи покрај градовите Тур и Анже. Под градот Нант, Лоара се проширува во естуар и кај Сен Назер се влева во Бискајскиот Залив. Текот на оваа река е многу неправилен, а делови од средниот тек, со препреки од повеќе песочни ади, во текот на летото пресушуваат. Наесен и напролет обилните врнежи дожд предизвикуваат поплави, што особено важи за долниот тек на реката.
Поврзано
Долина на Лоара Замоци на Лоара Лоарски крај Лоара (департман)
Наводи
Категорија:Реки во Франција Категорија:Реки во Бургундија-Франш Конте Категорија:Реки во Бретања Категорија:Реки во Лоарскиот Крај Категорија:Реки во Оверњ-Рона-Алпи Категорија:Реки во Центар-Долина на Лоара Категорија:Лоарски слив