Сите луѓе на кралот (англиски: All the King's Men) — американски филм од 1949 година, во режија на Роберт Росен (Robert Rossen), кој е автор и на сценариото, засновано врз истоимениот роман на Роберт Пен Ворен (Robert Penn Warren) од 1946 година. Главните улоги ги толкуваат: Бродерик Крофорд (Broderick Crawford), Џоан Дру (Joanne Dru), Џон Ајрланд (John Ireland), Џон Дерек (John Derek), Мерседес Мекембриџ (Mercedes McCambridge), Шепард Страдвик (Shepperd Strudwick), Кетрин Ворен (Katherine Warren), Ралф Дамке (Ralph Dumke), Ен Сејмур (Anne Seymour), Рејмонд Гринлиф (Raymond Greenleaf) и Флојд Мекајвори (Floyd McEvoy). Филмот бил номиниран за наградите „Оскар“ во седум категории, а победил во три (најдобар филм, најдобра главна машка улога и најдобра споредна женска улога). Романот и филмот се инспириани од политичкиот и животниот пат на гувернерот на Луизијана и сенаторот од Демократската партија, Хју Лонг, кој погинал во атентат во 1935 година. Филмот ефектно го доловува главниот лик кој од чесен човек се претвора во демагог и корумпиран политичар. Станува збор за ангажиран филм кој ги обработува правните и етичките норми во американската политика со освртв врз манипулацијата на гласачите.Svi kraljevi ljudi, američki film (пристапено на 20.11.2023)

Содржина Вили Старк (го игра Крофорд) се кандидира на локалните избори за општински благајник, но тогаш се судира со корумпираните политичари, предводени од Тајни Дафи (го игра Дамке). Веста за тоа доаѓа до уредникот на весникот Кроникл, кој го испраќа новинарот Џек Бурден (го игра Ајрланд) да ги следи настаните. Набргу, Вили е уапсен поради недозволена јавна кампања, неговиот посвоен син Том (го игра Дерек) е претепан, а сопругата Луси (ја игра Сејмур) е отпуштена од работата во училиштето. Меѓутоа, тие непријатни настани нема да го поколебаат Вили, кој почнува да учи со цел да стане адвокат. По една несреќа во училиштето, Вили ја добива поддршката на населението и победува на изборите за гувернер, а подоцна станува и сенатор при што цело време му помага Џек. Откако ќе дојде на власт, Вили се оддалечува од народот и од чесен човек и борец за интересите на сиромашните луѓе се претвора во демагог и корумпиран политичар...

Наводи

Надворешни врски

Сите луѓе на кралот на „NBC University Theater“: 16 јануари 1949.

Категорија: Филмови на англиски јазик Категорија: Американски филмови Категорија: Биографски филмови Категорија: Филмови од 1949 година Категорија: Филмови на Роберт Росен Категорија: Филмови со Бродерик Крофорд Категорија: Филмови со Џоан Дру Категорија: Филмови со Џон Ајрланд Категорија: Филмови со Џон Дерек Категорија: Филмови со Шепард Страдвик Категорија: Филмови со Кетрин Ворен Категорија: Филмови со Ралф Дамке Категорија: Филмови со Ен Сејмур Категорија: Филмови со Рејмонд Гринлиф Категорија: Филмови со Флојд Мекајвори Категорија:Филмови на Columbia Pictures Категорија:Филмови за политичари Категорија:Добитници на оскар за најдобар филм Категорија:Филмови засновани на романи Категорија:Црно-бели филмови