Ана Багрјана () — украинска писателка, поет, драматург и преведувач.
thumb|right|180px|Јевген Букет и Ана Багрјана на споменикот на Тарас Шевченко во Скопје
Животопис
Таа е родена на 24 март 1981 година во Фастов, Киевската област. Завршила украински јазик и литература на Институтот за филологија на Киевскиот национален универзитет „Тарас Шевченко“. Работела како новинар во телевизија, радио и во печат. Од 2007 до 2009 година била Секретар на Советот на Националниот сојуз на писателите на Украина за работа со млади автори и главен уредник на списанието „Гранословие“.
Член е на Националниот сојуз на писателите на Украина и на Здружението на украинските писатели.
Книжевно творештво
Автор е на поетските книги „Соцветие од зборови” (2000), „Сред виолетовите соништа“ (2002), „Меѓу боговите и нас“ (2005), „Прошетка по јаже“ (2008), „Другите линии“ (2009), „Баење од љубов“ (2011); романите „Етимологија на крвта“ (2008), „Толку необична љубов“ (2010), „Дошкуљака“ (2012); книга раскази за деца „Животи на истакнати деца“ (2010); низа драмски дела, раскази и критички статии објавени во антологии, алманаси и литературни списанија. Изведени се претстави со пиеси и либрето на Ана Багрјана во Украина, САД и Македонија.
Преведува од словенски јазици. Составител и преведувач на „Антологија на современна поезија на Македонија“ на украински јазик.
Наградена е со повеќе украински и меѓународни книжевни награди: „Рукомесло“, „Коронација на зборот“, „Смолоскип„, Меѓународна украинско-германска награда „Олес Гончар“, „Сребрено перо” (Бугарија), награда „Марусја Бек“ (Канада), повелбата „Академија на Медитеранот“ (Струга, Македонија) и др.
Нејзини дела се преведени на полски, азербајџански, бугарски, руски, македонски, француски, англиски, латвиски, ерменски, албански, српски, хрватски и други јазици. Книгите на Ана Багрјана се објавени во Белгија, Полска, Азербајџан, Бугарија, Србија и Македонија.
Поврзано Украинска книжевност
Надворешни врски
http://nspu.org.ua/dovidnyk/%D0%91 http://www.bukvoid.com.ua/events/pesentation/2010/03/10/172812.html http://sumno.com/article/anna-bagryana-ya-ne-pryhovuyu-togo-scho-zatsikavle/ http://inlit.com.ua/node/1899 http://www.poetryclub.com.ua/author.php?id=98 http://www.mediaport.ua/news/statiy/59428 http://zaxid.net/article/83323/ http://www.bbc.co.uk/ukrainian/entertainment/2010/10/101021_book_bagryana_lubov_sp.shtml http://life.pravda.com.ua/book/2010/10/11/63584/ http://www.bukvoid.com.ua/news/child/2010/04/25/072020.html
Категорија:Украински писатели Категорија:Украински поети Категорија:Родени во 1981 година