200 px|мини|десно|Черепи Судското вештачење (во потесна смисла наречено „судска медицина“) или форензика опфаќа примена на широк спектар на науки и технологии за да се испитаат и да се воспостават фактите на интерес во врска со кривичниот или граѓанскиот закон." Во римско време, кривична пријава се доставувала пред група на јавни поединци во трибината. И личноста обвинета за криминал и обвинителот давале говори врз основа на нивните страни на приказната. Поединецот со најдобрите аргументи и испорака го решавале исходот на случајот. Ова потекло е извор на две модерни примени на зборот судски - како форма на правни докази и како категорија на јавна презентација.
Во современата употреба, терминот "судски" наместо "судска наука" може да се смета за поточен затоа што терминот "судски" е ефикасен синоним за "законски" или "поврзан со судовите". Сепак, терминот е сега толку тесно поврзан со научната област што многу речници го вклучуваат значењето "криминолошки науки" со "судска наука".
Во САД има над 12.000 техничари по судско вештачење, од 2011 година.
Историја Антиката и средниот век На античкиот свет му недостигало стандардизирани практики по судско вештачење, коишто им потпомогнале на криминалците во бегство. Кривичните истраги и судења се потпираа на принудни признанија и сведочења. Сепак античките извори содржат неколку техники кои ги наговестија концептите на науката на судското вештачење која е развиена векови подоцна, како што „еурека“ зборува за Архимед (287-212 п.н.е.). Експозето за Архимед кажува за тоа како тој измислил метод за определување на обемот на објект со неправилна форма. Според Витрувиј, вотивна круна за храмот била направена за кралот Херон II, којшто го снабдувал чистото злато за користење, и Архимед побарал да се утврди дали среброто било заменето од страна на нечесен златар. Архимед морал да го реши проблемот без да ја оштети круната, па тој не можел да ја стопи со цел да се пресмета густината. Првите пишани досиеја за користење на медицина и ентомологија за решавање на кривични случаи се припишува на книгата на Сји Јуен Лу (преведена како „Измивање на неправдите“) напишана во 1248 од кинескиот правник Сунг Це (1186-1249). Во едно од досиејата, случајот на еден човек убиен со срп бил решен од истражувач кој им наложил на сите да го донесат својот срп на едно место. (Тој сфатил дека во прашање е срп тестирајќи различни ножеви на трупови и споредувајќи ги со раната.) Муви, привлечени од мирисот на крв, на крајот се собрале на еден срп. Во контекст на ова, убиецот признал. Во книгата, исто така, нудат совети за тоа како да се направи разлика помеѓу давење (вода во белите дробови) и гушење (скршена вратна 'рскавица), заедно со другите докази од испитување на телата за да се утврди дали смртта била предизвикана од убиство, самоубиство или несреќен случај.
Методи од целиот свет вклучуваат плунка и испитување на устата и јазикот за да се утврди невиност или вина. Во древната кинеска култура, понекогаш осомничените ги терале да ја наполнат устата со сув ориз и да го исплукаат надвор. Во античка култура од Блискиот Исток обвинетиот морал да лиже жешки метални прачки на кратко. И двата методи имале некаква основа бидејќи виновното лице ќе произведе помалку плунка и на тој начин има посува уста. Обвинетиот се сметал за виновен ако оризот му се лепел во устата или ако нивните јазици биле сериозно изгорени поради недостаток на плунка.
Модерна историја
Во 16 век европски лекари во армијата почнаа да собираат информации за причината и начинот на смрт. Амброз Паре, хирург на француската армија, систематски ги проучувал ефектите на насилна смрт на внатрешните органи. Двајца италијански хирурзи, Фортунато Фиделис и Паоло Закија , се вградија во темелите на модерната патологија со проучувањето на промените кои се случуваат во структурата на телото како резултат на болест. Во доцниот 18 век, пишувања на оваа тема почнаа да се појавуваат. Тука спаѓаат “Расправа за судска медицина” и “Јавно здравство” од страна на францускиот лекар Фодере и “ Системот на полициската медицина” од страна на германски медицински стручњак Јохан Петер Франк.
Во 1773 шведски хемичар Карл Вилхелм Шеле смислил начин за откривање на арсен оксид во трупови, иако само во големи количини. Оваа истрага била проширена, во 1806 година, од страна на германскиот хемичар Валентин Рос, кој научил да го открива отровот во ѕидовите на стомакот на жртвата, и од англиски хемичар Џејмс Марш, кој користел хемиски процеси за да потврди арсен како причина за смрт во судскиот процес за убиство во 1836. Двајца рани примери на англиската наука по судско вештачење во поединечни правни постапки покажуваат зголемување на употребата на логика и методи во кривичните истраги. Во 1784, во Ланкастер, Џон Томс беше суден и осуден за убиство на Едвард Кулшо со пиштол. Кога мртвото тело на Кулшо беше испитувано, затка од пиштол (згмечена хартија , користена за да се задржат прав и топки во цевката) биле најдени во раната на неговата глава и совршено одговарале со искинатиот весник пронајден во џебот на Томс. Во Ворик во 1816 година, еден работник на фарма бил суден и осуден за убиството на една млада слугинка. Таа била удавена во плиткиот базен и имала знаци од насилен напад. Полицијата пронашла траги и отпечаток од кадифени панталони со зашиено делче од ткаенина во влажната земја во близина на базенот. Имало, исто така расфрлани пченични зрна и плева. Панталоните на еден работник на фарма во близина кој имал пченица биле испитани и одговарале токму на отпечатокот во земјата во близина на базенот. Полицијата почнала да користи отпечатоци од прсти за докази кога Хуан Вучетиќ го решил убиството во Аргентина со отсекување на дел од вратата со крвави отпечатоци на неа. Подоцна во 20-от век неколку британски патолози, Бернард Спилсбери, Френсис Кемпс, Сиднеј Смит и Кит Симпсон први вовеле нови методи во судското вештачење во Велика Британија. Во 1909 Родолф Арчибалд Рајс го основал првото училиште за судско вештачење во светот: " Институт за судска Наука" на Универзитетот во Лозана (UNIL).
Науката по судско вештачење е поттикната од голем број национални органи на судско вештачење, вклучувајќи ја Американската академија за криминалистички науки (основана 1948; издавачи на списанието за криминалистички науки), на канадското друштво на науката по судско вештачење (основана 1953; издавачи на весник на Канадското друштвото за судско вештачење), Британската академија за криминалистички науки (основана 1960; издавачи за вештачење, наука и законот (списание)) и австралиската академија за криминалистички науки (основана 1967 година; издавачи на австралискиот весник за криминалистички науки) .
Поделби 200 px|мини|десно|Полициска истрага во Англија, каде што се користи шатор за да се заштити местото на злосторството. 200 pixpx|мини|десно|Агенти го истражуваат место на злосторството
Статистичко вештачење - развојот на алгоритми и софтвери кои им помагаат на испитувањата по судско вештачење Криминалистика е примената на разни науки за да се одговори на прашањата кои се однесуваат на испитувањето и споредбата на биолошки докази, траги, отпечатоци(како што се отпечатоци од прсти, обувки, и од автомобилски гуми), контролирани супстанции, балистика, огнено оружје како и други докази во кривични истраги. Во типичен случај доказите се обработуваат во криминалистичка лабораторија. Дигитално вештачење е примена на докажани научни методи и техники со цел да се вратат податоците од електронски / дигитални медиуми. Специјалисти по дигитална судско вештачење работат на терен, како и во лабораторија. Сметководствено вештачење е проучување и толкување на сметководствени докази. Аерофотографско вештачење е проучување и толкување на воздушните фотографски докази. Судска антропологија е примена на физичка антропологија во законско опкружување, обично за обновување и идентификација на човечки остатоци (во форма на скелет). Археолошка форензика е примена на комбинација од археолошки техники и науки по судско вештачење, обично во спроведувањето на законот. Судска астрономијата користи методи од астрономијата за утврдување на небесните соѕвездија во минатото за судсковештачки цели. Судска ботаника е изучувањето на растителниот свет со цел да се здобијат со информации за можните злосторства. Судска хемија е изучувањето на откривање и идентификација на дроги, користени во подметнување пожари , експлозии и прострелни остатоци. Судска дактилоскопија е изучување на отпечатоци од прсти. Форензичко испитување на документи преглед или прегледување на документ кој е доведен во прашање со користење на различни научни процеси и методи. Многу испитувања вклучуваат споредба на документот кој е доведен во прашање, или компоненти на документот, со низа на познати стандарди. Најчестиот вид на испитување вклучува ракопис, при што испитувачот се обидува да одговори на загриженоста за потенцијално авторство. Судска ДНК-анализа ги користи предностите на уникатноста на ДНК на поединецот за да одговори на судските прашања како што татковство / породилно тестирање и поставување на осомничениот на местото на злосторот, на пример, во истрага за силување. Судско инженерство е научно испитување и анализа на градби, постројки и производи поврзани со нивниот неуспех или причина за штета. Судска ентомологија се занимава со испитување на инсекти во, на и околу човечките остатоци за да помогне во утврдување на времето или местото на смртта. Исто така е можно да се утврди дали телото било преместувано после смртта. Судска геологија се занимава со докази во форма на почви, минерали и нафта. Судска геофизика е примената на геофизички техники како што се радари за откривање на предмети скриени под земја или под вода. Судска разузнавачки процес започнува со собирање на податоци и завршува со интеграција на резултатите во рамките на анализа на злосторствата под истрага. Судски распрашувања се изведуваат со користење на науката за професионално користење на стручността за спроведување на различни истражувачки разговори со жртвите, сведоците, осомничените или други извори за да се утврдат фактите во врска со сомневањата, обвинувања или одредени инциденти или во јавниот или приватниот сектор. Судска лимнологијата е анализа на доказите собрани во или околу свежи извори на вода . Испитување на биолошки организми, особено диатомеи, може да биде корисно во поврзувањето на осомничените со жртвите. Судска лингвистика се занимава со прашања во правниот систем кои бараaт јазична експертиза. Судска метеорологија е специфична анализа на временските услови во минатото. Судско забарство е изучување на уникатноста на забната поставеност и отисоците. Судско оптичарство е изучувањето на очила и други помагала за вид во врска со злосторството и кривичните истраги. Судска патологија е област во која принципите на медицината и патологијата се применуваат за да се утврди причината за смрт или повреда во контекст на правна истрага. Судска нега на стапала е примена на проучување на отпечатоци на стапала или траги од обувки за да се анализира местото на злосторот и да се воспостави личен идентитет во испитувањата. Судска психијатрија е специјализирана гранка на психијатријата која се применуваа во и врз основа на научна криминологија. Судска психологија е проучување на умот на поединецот, со користење на судско -медицински методи. Обично тоа ги одредува околностите зад криминалното однесување. Судска сеизмологија е проучување на техники за да се направи разлика меѓу сеизмички сигнали генерирани од подземни јадрени експлозии од оние генерирани од земјотреси. Судска серологија е изучувањето на телесните течности. Судска токсикологија е проучување на влијанието на лековите и отровите на / во човечкото тело. Судска видео анализа е научно испитување, споредба и оценка на видеото во правните прашања. Вештачење на мобилни уреди е научно испитување и оценување на докази пронајдени во мобилните телефони, на пример, историја на повици и избришани СМС, и вклучува испитување на SIM картичката.