Малиот воден бик (Ixobrychus minutus) е птица од редот на чапјите, од семејството на штрковидните. Потекнува од Стариот Свет, а се населил и во Африка, централна и јужна Европа, западна и јужна Азија и на Мадагаскар. Птиците што живеат во умерениот појас на Европа и западна Азија се преселници, зимувајќи во Африка или јужна Азија, а оние што се гнездат во тропските краишта се седентарни (не се селат).Rasmussen, Pamela C. and John C. Anderton (2005) Birds of South Asia. The Ripley Guide
Таксономија
Има три подвида: Ixobrychus minutus minutus (Linnaeus, 1766). Европа, Азија, северна Африка; зиме во потсахарна Африка или јужна Азија; Ixobrychus minutus payesii (Hartlaub, 1858). Постојан жител на потсахарна Африка; Ixobrychus minutus podiceps (Bonaparte, 1855). Постојан жител на Мадагаскар. Австралиската мала чапја (Ixobrychus dubius) и изумрената Новозеландска мала чапја (Ixobrychus novaezelandiae) формално се сметаат за подвидови на Малиот воден бик.
Опис
Малиот воден бик е многу мала чапја, од 25 до 36 см висока, со распон на крилата од 40 до 58 см и тежина од 59 до 150 g. Тоа е најмалата чапја во светот. Има краток врат, долгнавест клун и светложолти делови од телото. Кај мажјакот, грбот и темето се црни, а крилата им се црни со големи бели линии. Женките, пак, имаат покафенест грб и жолто-кафени линии на крилата.
Поведение
Животната средина на Малиот воден бик е честакот. Прави гнездо на платформата од трската во џбуњето. Излегнува 4-8 јајца. Тешко може да се види од густите трски и прикриениот начин на живот. Се храни со риби, инсекти и водоземци.
Галерија
Погледни
Список на птици во Македонија
Наводи
Библиографија Прирачник на птиците во светот 1: 425-426. Lynx Edicions.
Надворешни врски
Ageing and sexing (PDF) by Javier Blasco-Zumeta & Gerd-Michael Heinze Little Bittern - Species text in The Atlas of Southern African Birds
Категорија:Чапји Категорија:Штрковидни Категорија:Птици на Македонија Категорија:Животински таксони опишани од Карл Линеј