Алпската ушеста чучурлига спаѓа во видот Eremophila од семејството на чучурлигите.

Ја има во Македонија.

Опис

Како и другите чучурлиги, тие се тешко забележливи на земја, со своите кафено-сиви пердуви горе и побледи пердуви одоздола, со карактеристични црно-жолти линии на главата и вратот. Лете мажјакот има црни пердуви, кои му штрчат од главата како рокчиња. Должината на телото им е околу 18 см, а тежат 35-40 гр. Ноктот на задниот прст на ногата им е прав и долг. Клунот им е многу краток.

Распространетост и живеалиште

Алпската ушеста чучурлига е распространета во северна Америка, северна и југоисточна Европа и Азија. Исто така, има изолирана популација на висорамнината во Колумбија. Северните популации од овие врапчевидни птици се миграциони, движејќи се јужно во зима.

Оваа птица е прилагодена за живот на отворено земјиште, а сака да живее на рамнини и планини. Во Македонија се постојани жители. Во Америка, каде што нема други чучурлиги за да се натпреварува со нив, живеат на обработливи земјишта или на фарми, во пустини, голф терени и авионски писти.

Поведение

Иако добро лета, оваа чучурлига живее претежно на земја хранејќи се со инсекти и семиња. Гнездење

Гнездото го прават на земја и снесуваат 2-5 јајца испрскани со кафени и сиви точки. Малечките се испилуваат со ретки пердувчиња и целосно беспомошни, па родителите ги хранат со инсекти. Младенчињата брзо се развиваат и го напуштаат гнездото за десетина дена.

Статус и конзервација Во западна Северна Америка, алпската ушеста чучурлига често страда од турбините на ветерниците.

Наводи

Извори

van den Berg, Arnoud (2005) Morphology of Atlas Horned Lark Dutch Birding 27(4):256-8 Small, Brian (2002) The Horned Lark on the Isles of Scilly Birding World 15(3): 111-20 (discusses a possible Nearctic race bird on the Isles of Scilly in 2001)

Надворешни врски

Horned Larks in Flight (Westmoreland, NH) Cyberbirding: Horned Lark Page from the Cornell Laboratory of Ornithology with photographs and sound Shore Lark videos, photos & sounds on the Internet Bird Collection Horned Lark - Eremophila alpestris - USGS Patuxent Bird Identification InfoCenter

Категорија:Врапчевидни Категорија:Чучурлиги Категорија:Птици на Македонија Категорија:Животински таксони опишани од Карл Линеј