Патките и сродниците (Anatidae) се фамилија птици во која спаѓаат патките, гуските и лебедите. Тие се распространети низ целиот свет, на сите континенти, освен Антарктикот. Тоа се птици кои во текот на еволуцијата се адаптирале за пливање, пловење на површината на водата, и во некои случаи, нуркање во плитката вода. Фамилијата содржи околу 140 вида, сместени во 40 рода. Претежно се хранат со растенија и се моногамни. Пет вида исчезнале до 1600 година, а на многу видови им се заканува изумирање.
Опис Патките, гуските и лебедите се мали до големи птици, со големо и долгнавесто тело. Големината се движи од 26,5 cm долга и 164 грама тешка, најмалата; до 183 cm долга и 17,2 килогарми тешка, најголемата. Крилата им се кратки и заострени, поткрепени со силни мускули кои брзо ги движат при летање. Типично, имаат долг врат, иако должината варира кај различните видови. Нозете им се кратки, силни и сместени назад на телото. За разлика од другите слични фамилии кои живеат на вода, како морските нуркачи и нуркачите, патките се подобри во одењето по земја. Тие имаат прсти поврзани со ципа, кои им служат за пливање. Клуновите им се од мек кератин, со тенка, чувствителна линија од кожа на врвот. Пердувите им се такви што лесно ја лизгаат водата од нив. Повеќето од патките покажуваат полов диморфизам, односно, мажјаците се покрупни и со посветли и поживи бои од женките. Овие птици се огласуваат со разни звуци, како: квакање, грачење, гровтање, трубење, и гласот на женките е подлабок од на мажјаците.
Размножување Патките се претежно сезонски моногамни птици. Поголемиот дел, обично помалите, се со еден партнер само една сезона на парење, а поголемите, како гуските и лебедите, живеат со истиот партнер повеќе години. Овие птици се карактеристични, и се една од ретките фамилии кои имаат пенис; а повеќето видови се адаптирани за копулација само во вода. Конструираат едноставни гнезда со материјал кој им е најдостапен, и најчесто само женките ги лежат јајцата. Младенчињата се раѓаат оформени, способни веднаш сами да се хранат.
Врски со луѓето Пердувите од овие птици, порано, а и денес, се употребуваат за полнење перници, душеци, вреќи за спиење и палта.
Патките како тема во уметноста и во популарната култура „Шаткина приспивна песна“ — песна за деца на хрватскиот поет Григор Витез.Григор Витез, Песни. Мисла, Македонска книга, Култура, Наша книга и Детска радост, Скопје, 1990, стр. 25. „Училиште за патки“ (српски: Пачја школа) — песна на српскиот поет Јован Јовановиќ-Змај.Јован Јовановиħ Змај, Краљевина Лаждишажди. Београд: Просвета, 1963, стр. 59-60. „Патка и патчиња“ — песна на македонскиот поет Васил Куноски.Васил Куноски, Песни. Скопје: Просветно дело, Редакција „Детска радост“, 2004, стр. 94. „Љубов“ (француски: Amour) — расказ на францускиот писател Ги де Мопасан од 1886 година.„Гиј де Мопасан, Изабране новеле (друга књига). Култура, Београд, 1950, стр. 99-106. „Шаток да имресионира“ — брзозборка на македонскиот писател Ванчо Полазаревски. Ономоно дономоно. Просветно дело АД - Скопје, Редакција „Детска радост“, Скопје, 2007, стр. 13. „Шатка“ (српски: Патка) — песна на српскиот поет Васко Попа.Васко Попа, Поезија (избор). Скопје: Култура; Београд: Нолит, 1968, стр. 7.
Систематизација
Потсемејства и родови Потсемејство: Dendrocygninae Род: Dendrocygna, свиркачки патки (8 вида) Потсемејство: Thalassorninae Род: Thalassornis (еден вид во Африка) Потсемејство: Anserinae, лебеди и гуски (25–30 вида) Род: Cygnus, лебеди (6 вида) Род: Anser, сиви гуски (7 вида) Род: Chen, бели гуски (3 вида) Род: Branta, црни гуски (6 вида) Потсемејство: Stictonettinae Род: Stictonetta, (1 вид во Австралија) Потсемејство: Plectropterinae Род: Plectropterus Потсемејство: Tadorninae Род: Pachyanas Род: Tadorna Род: Salvadorina Род: Centrornis Род: Alopochen Род: Neochen Род: Chloephaga Род: Hymenolaimus Род: Merganetta
Потсемејство: Anatinae, Патки Род: Anas Род: Lophonetta Род: Speculanas Род: Amazonetta Род: Chelychelynechen Род: Thambetochen Род: Ptaiochen Потсемејство: Aythyinae, нуркачки патки Род: Netta Род: Aythya Потсемејство: Merginae, морски патки Род: Chendytes Род:Polysticta Род: Somateria Род: Histrionicus Род: Camptorhynchus Род: Melanitta Род: Clangula Род: Bucephala Род: Mergellus Род: Lophodytes Род: Mergus Потсемејство: Oxyurinae Род: Oxyura Род: Nomonyx Род: Biziura Род: Heteronetta Монотипични родови: Coscoroba Cereopsis Cnemiornis Malacorhynchus Sarkidiornis Tachyeres Cyanochen Nettapus Pteronetta Cairina Aix Callonetta Chenonetta Marmaronetta
Наводи
Надворешни врски Видеа на Internet Bird Collection Звуци на xeno-canto collection Поштенски марки – Поштенски марки со патки, гуски и лебеди
Категорија:Птици Категорија:Гусковидни