Долношлеско Војводство () — војводство во југозападна Полска, наречено по историската област Долна Шлеска.

Војводството било дел од средновековната полска држава под водство на династијата Пјасти. По смррта на кнезот Болеслав III Кривоустиот во 1138 г. државата почнала да се раздвојува на делови. Шлеска станала полска покраина како кнежевство, но подоцна се расцепкало на мали кнежевства под власта на кнезови од семејството Пјасти. Во овој период стапило германското влијание, поради доселувањето на население од германските краишта на Светото Римско Царство. Ова оставило белег на архитектурата, обичаите и кујната. Сепак, Долна Шлеска останала и центар на полската култура. Тука е напишан ракописот кој ја содржи првата позната реченица на старополски јазик (Хенрикувска книга, XIII век), како и првата печатена книга на полски (Statuta synodalia Episcoporum Wratislaviensis, 1475), обете изложени во Вроцлав. Злоторија е најстариот град во Полска, прогласен со повелба на кнезот Хенрик Брадестиот (XII-XIII век). Низ вековите, Долна Шлеска доживеала редица епохални настани како протестантската реформација, Шлеските војни, индустријализацијата и двете светски војни.

Долна Шлеска се вбројува меѓу побогатите краишта во Полска поради значајните природни ресурси како бакарот, лигнитот и други камени материјали кои ги исползуваат најголемите претпријатија, како и развиено стопанство во разни други гранки.

Седиштето Вроцлав е сместено на реката Одра. Градот е меѓу најголемите и најважните во Полска. Тука, како и во Тшебница, се гробниците на полските владетели. Војводството има многубројни замоци и дворци и ужива голема посетеност.

Историја и географија Создадено е на 1 јануари 1999 г. од дотогашните војводства Вроцлавско, Легњичко, Валбжишко и Јелењогурско, согласно управната реформа усвоена претходната година. Зафаќа површина од и има 2.908.457 жители (2014).

Војводството е претежно низинско, со исклучок на повисоките делови по кои продолжуваат Судетите што се протегаат долж полско-чешката граница. Мошне посетени се скијачките места како Карпач и Шкаларска Поремба на венецот Карконоше. Други попосетени места се Вроцлав, Јелења Гура и Легњица. Градот Болеславјец е познат по Болескавечката керамика.

Во Долна Шлеска има голем број бањски лекувалишта: Ќеплице Шлонске-Здруј, Длугополе-Здруј, Душњики-Здруј, Једлина-Здруј, Кудова-Здруј, Лондек-Здруј, Полањица-Здруј, Пшежечин-Здруј, Шчавно-Здруј, Швјерадув-Здруј.

Долношлеското Војводство се граничи со Лубушкото Војводство на северозапад, Големополското на североисток, Ополското на југоисток, Чешка на југ и Германија (Саксонија) на запад.

Градови и гратчиња мини|десно|250п|Легњица мини|десно|250п|Јелења Гура мини|десно|250п|Глогув мини|десно|250п|Болеславјец познат по керамичките производи. мини|десно|250п|Клоѕко Војводството има 91 градски населени места, тука наведени по број на жители според состојбата во 2006 година:

Управна поделба мини|Костурницата во Чермина, Кудова. мини|Црква на мирот во Швидњица — светско наследство на УНЕСКО. мини|Црква на мирот во Јавор — светско наследство на УНЕСКО. мини|Ваншката гредна црква во Карпач, стара осум века. мини|Бенедиктинската опатија во Кшешув.

Западнопоморското Војводство е поделено на 30 округ, од кои 4 се градски, а 26 се земски. Тие пак се поделени на вкупно 169 општини.

Име и изворно имеПовршина (км²)Население (2014)СедиштеДруги градовиОпштиниГрадски окрузиВалбжихWałbrzych84,70 117.2641 ВроцлавWrocław293633.1051 Јелења ГураJelenia Góra109,2281.6401ЛегњицаLegnica56,29101.7681Земски окрузиБолеславјечки powiat bolesławiecki1.303м2690.295БолеславјецНовогроѓец6Валбжишки powiat wałbrzyski 430,2257.620Валбжих *Богушув-Горце, Глушица, Шчавно-Здруј, Једлина-Здруј, Мјерошув9Волувски powiat wołowski67547.475ВолувБжег Долни3Вроцлавски powiat wrocławski1116,15129.576Вроцлав *Собутка, Конти Вроцлавске, Шехњице9Ѓержоњувски powiat dzierżoniowski478,34104.285ЃержоњувБјелава, Гола Ѓержоњовска, Њемча, Пјешице, Пилава Гурна7Глогувски powiat głogowski443,0690.194Глогув6Гурски powiat górowski 738,1136.321ГураВонсоч4Згожелечки powiat zgorzelecki838,1192.799ЗгожелецБогатиња, Пјењск, Завидув, Венглињец7Злоториски powiat złotoryjski575,4544.893ЗлоторијаВојшеќув, Швјежава6Зомбковички powiat ząbkowicki801,7567.614Зомбковице ШлонскеЖембице, Злоти Сток, Бардо7Јаворски powiat jaworski581,2551.949ЈаворБолкув6Јелењогурски powiat jeleniogórski628,2165.069Јелења Гура *Ковари, Шкларска Поремба, Пјеховице, Карпач9Камјеногурски powiat kamiennogórski396,1344.824Камјена ГураЛубавка4Клоцки powiat kłodzki1643,37164.155КлоѕкоНова Руда, Бистшица Клоѕка, Кудова-Здруј, Полањица-Здруј, Строње Шлонске, Лондек-Здруј, Шчитна, Душњики-Здруј, Мјенѕилеше, Радкув14Лвувечки powiat lwówecki709,9447.120Лвувек ШлонскиГрифув Шлонски, Мирск, Влењ, Лубомјеж5Легњички powiat legnicki744,6054.929Легњица *Хојнув, Проховице8Лубањски powiat lubański428,3055.919ЛубањОлшина, Лешна, Швјерадув-Здруј7Лубински powiat lubiński711,99106.ЛубинШќинава4Милички powiat milicki 715,0137.286Милич3Олавски powiat oławski523,7375.869ОлаваЈелч-Ласковице4Олешњички powiat oleśnicki1049,74106.167ОлешњицаСицув, Твардогура, Бјерутув, Мјенѕибуж8Полковички powiat polkowicki779,9363.185ПолковицеХоќанув, Пшемкув6Стшелински powiat strzeliński 622,2744.322СтшелинВјонзув5Тшебњички powiat trzebnicki1025,5583.176ТшебњицаОборњики Шлонске, Жмигруд, Прусице6Швидњички powiat świdnicki742,89160.658ШвидњицаШвјебоѓице, Стшегом, Жарув, Јавожина Шлонска8Шродски powiat średzki703,6852.543Шрода Шлонска5* седиштето не е дел од округот

Поврзано Долна Шлеска Кнежевство Шлеска

Наводи

Надворешни врски

Долношлеско Војводство — официјално мрежно место Управа на Долна Шлеска

Категорија:Војводства во Полска Категорија:Држави и територии настанати во 1999 година