Блатната тринга () е мала крајбрежна птица од семејството на мочварките (), родот на трингите (), која се размножува на отворени тревнати површини, во степите и тајгите од источна Европа до Средна Азија. Се среќава и во Македонија.
Опис Блатната тринга наликува на малата елегантна златнонога тринга, има долг прав клун и многу долги жолтеникави нозе. Во сезона на парење има сивкавокафени перја на грбот кои се посветли преку зима, а стомакот е светол со кафеникави точки на градите и вратот. Долга е 22 до 26 см има распон на крилјата 55 – 59 см и тежи од 45 до 120 г.
Блатната тринга е птица преселница, повеќето од нив зимуваат во Африка и Индија, а помалку во југоисточна Азија и Австралија. Претпочитаат слатководни езера и мочуришта и може да се видат сами или во помали јата. Се хранат со инсекти кои ги наоѓаат во калта или со други мали безрбетници. Договорот за заштита на африканско-евроазиските миграторни водни птици се однесува и на блатната тринга.
Наводи
Hayman, Peter; Marchant, John & Prater, Tony (1986): Shorebirds: an identification guide to the waders of the world. Houghton Mifflin, Boston. ISBN 0-395-60237-8 Pereira, Sérgio Luiz & Baker, Alan J. (2005): Multiple Gene Evidence for Parallel Evolution and Retention of Ancestral Morphological States in the Shanks (Charadriiformes: Scolopacidae). Condor 107(3): 514–526. DOI: 10.1650/0010-5422(2005)107[0514:MGEFPE]2.0.CO;2 HTML abstract
Надворешни врски Marsh Sandpiper videos, photos & sounds on the Internet Bird Collection Marsh Sandpiper - Species text in The Atlas of Southern African Birds. Avibase
Категорија:Мочварки Категорија:Тринги Категорија:Птици на Македонија