Малиот сокол (Falco columbarius) е мала граблива птица од редот соколовидни, семејството соколи. Се среќава и во Македонија.
Опис
Оваа птица е долга од 24 до 33 см, со распон на крилјата од 50 до 73см. Машките тежат просечно околу 125-210гр, а женските 190-300гр. Мажјакот има сивкастосин грб, светложолт стомак со кафеавкастоцрвени или црни ленти. Женката и младите имаат сивкастокафеав грб и светложолт стомак со кафеави дамки. Двата пола освен тоа ја имаат и карактеристичната црна лента кај образите како и кај повеќето соколи. Новородените соколи се најпрво покриени со светложолти пердуви, кои подоцна им паѓаат и според полот им се оформуваат вистинските пердуви.
Живеалиште
Малите соколи ги населуваат отворените места. Претпочитаат да живеат на места со пониска вегетација, и ги избегнуваат густите шуми како и пустите региони.
Овие птици се селат во текот на зимата на потопли места. Птиците од северна се селат во јужна Европа и северна Африка, а птиците од Северна Америка во северните делови на Јужна Америка.
Исхрана
Малите соколи се хранат со цицачи, влекачи, глодачи како и помали птици. Овие птици се потпираат на нивната брзина и агилност при ловот. Ловат летајќи брзо и ниско над земјата (на висина помала од 1м) со цел да го изненадат пленот. Но, всушност поголемиот дел од својот плен го ловат во лет.
Размножување
Овој сокол се пари најчесто од мај до јуни. Се гнездат на карпи или во некои ниски, густи грмушки. Малиот сокол не гради свои гнезда туку употребува импорвизирани гнезда, или пак некои напуштени. Снесуваат од 3 до 6 јајца. Кафеавите јајца се со прилични димензии 40x31,5. Инкубацијата трае од 28 до 32 дена, при што 90% од лежењето го извршува женката, а мажјакот лови. По изведувањето младенчињата се зависни од родителите околу 1 месец. Наводи
Надворешни врски
Merlin Falcon Foundation A non-profit organization that researches the Coastal Forest Merlin's life history and educates scientists and citizens about this raptor's importance to the Northwest environment. Cornell Lab of Ornithology - Merlin USGS Patuxent - Merlin Picture of Black Merlin (Falco columbarius suckleyi subspecies) Oiseaux Photos. Ageing and sexing (PDF; 5.3) by Javier Blasco-Zumeta & Gerd-Michael Heinze Sounds of Merlin by Martyn Stewart Merlin, Canadian Peregrine Foundation
Категорија:Птици Категорија:Соколовидни Категорија:Птици на Македонија Категорија:Животински таксони опишани од Карл Линеј