__БЕЗСОДРЖИНА__ Чамлиџа-џамија () — џамија во округот Усќудар на градот Истанбул и најголемиот муслимански храм во Турција. Има сместивост од 63.000 луѓе и во себе вклучува музеј, ликовна галерија, библиотека, сала за собири и подземно паркиралиште за 3.500 возила.
Џамијата е дело на архитектките, Бахар Мизрак и Хајрије Ѓул Тоту, а нејзината изградба чинела 150 милиони лири (59,65 милиони евра). Секое од четирите минариња е високо 107,1 м, во спомен на Битката кај Манцикерт која се одиграла во 1071 г. помеѓу Селџучкото и Византиското Царство.
Ова е еден од повеќе мегапроекти на турската влада како сведоштво за силата на стопанството и белег на владејачката Партија на правдата и развојот и претседателот Реџеп Таип Ердоган.
Џамијата е свечено отворена на 4 мај 2019 г. од претседателот Ердоган. На отворањето присуствувале повеќе странски државници како Маки Сал од Сенегал, Алфа Конде од Гвинеја, Илир Мета од Албанија, Мухамед Штаје од Палестина и претставници на други земји.
Галерија
Поврзано Османлиска архитектура Список на џамии во Истанбул Султан Ахмедова џамија Аја Софија
Наводи
Надворешни врски
Портал на џамијата „Чамилџа“
Категорија:Џамии во Усќудар Категорија:Џамии во Истанбул Категорија:Појавено во 2019 година