Дарил Јанмат (роден на 22 јули 1989 г.) — холандски профсионален фудбалер кој игра на позицијата десен бек за Вотфорд во Премиер лигата и за репрезентацијата на Холандија.
Тој ја започнал кариерата во АДО Ден Хаг, и играл во клубовите Херенфен и Фејенорд пред да потпише шестогдишен договор со премиерлигашот Њукасл Јунајтед во 2014 година. Тој е дел од холандската репрезентација од 2012 година и бил дел од составот кој го освоил третото место на Светското првенство 2014.
Клупска кариера АДО Ден Хаг Роден во Лејдсендам, Холандија, Јанмат ја започнал својата сениорска кариера во 2007 година во АДО Ден Хаг.
Херенфен На почетокот на следната сезона, 19-годишниот Јанмат потпишал за холандскиот прволигаш Херенфен. На натпреварот помеѓу Херенфен и Херта Берлин во рамките од Европа лигата, Јанмат влегол во игра во 73. минута од натпреварот и само три минути подоцна добил црвен картон поради невнимателен старт над Немања Пејчиновиќ. Херенфен го добил натпреварот со резултат 1–0. Откако ја отслужил предвидената суспензија, Јанмат постигнал гол во неговиот следен натпревар во Европа лигата, на 16 декември 2009 година, постигнувајќи го последниот гол за својата екипа во победата од 5–0 над Вентспилс, која на крајот се покажала за недоволна за клубот да се пласира во елиминационата фаза.
На 21 декември 2011 година, Јанмат го постигнал деветтиот гол на Херенфен во победата од 11–1 над второлигашот Ос, со што клубот се пласирал во четвртфиналето од холандскиот куп. Во четирите сезони во клубот, Јанмат бил стартер три сезони, а во дебитантската сезона бил во првиот тим на 10 натпревари и заедно со клубот го освоил холандскиот куп.
Фејенорд Во средината на 2012 година, откако истекол неговиот договор, тој потпишал за Фејенорд, клуб за кој настапувал како младинец. На првенствениот натпревар против НАЦ Бреда на 9 декември 2012 година, кој завршил со резултат 2–2, Јанмат за една минута добил два жолти картони и бил исклучен од игра. На 17 март 2013 година, Јанмат го постигнал победничкиот гол за Феенорд во победата од 2–1 над Утрехт.
Првиот гол во сезоната 2013–14, Јанмат го постигнал на 16 февруари 2014 година, во ремито од 1–1 на Фејенорд со НАЦ Бреда. На 13 април, тој постигнал гол со полуволеј во победата од 2–0 над ПСВ Ајндховен.
Њукасл Јунајтед На 17 јули 2014 година, Јанмат потпишал шестгодишен договор со премиерлигашот Њукасл Јунајтед за непозната сума. Јанмат ги одиграл сите 90 минути на своето деби за Њукасл во поразот од 2–0 од Манчестер Сити. Првиот гол за Њукасл тој го постигнал во ремито од 3–3 против Кристал Палас на 30 август. Вториот гол за клубот тој го постигнал против второлигашот Нортемптон Таун, во победата од 4–1 во Лига купот. Јанмат исто така постигнал гол за Њукасл во поразот од 2–1 од Вотфорд.
Вотфорд На 24 август 2016 година, по испаѓањето на Њукасл Јунајтед од Премиер лигата, Јанмат потпишал за Вотфорд за сума од 7.5 милиони фунти.
Репрезентативна кариера Првиот натпревар за Холандија тој го одиграл на 7 септември 2012 година, одигрувајќи ги сите 90 минути во домашната победа од 2–0 над Турција во квалификациите за Светското првенство 2014. На 31 мај 2014 година, тој бил вклучен во конечниот список од 23 играчи од тренерот Луј ван Гал за Светското првенство во Бразил. Јанмат бил во составот на Холандија на првиот натпревар на првенството, и бил асистент на гол во големата победа од 5–1 над бранителот на титулата, селекцијата на Шпанија. Во натпреварот за трето место против домаќинот Бразил, Јанмат влегол во игра од клупата за резервни играчи заменувајќи го Дели Блинд и бил асистент на голот на Џорџино Вајналдум кој ги поставил конечните 3–0 за Холандија.
Титули Клупски Херенфен Куп на Холандија: 2008–09
Репрезентација Холандија Светско првенство трето место: 2014
Наводи
Надворешни врски
Категорија:Родени во 1989 година Категорија:Живи луѓе Категорија:Холандски фудбалери Категорија:Фудбалери на ФК АДО Ден Хаг Категорија:Фудбалери на ФК Херенфен Категорија:Фудбалери на ФК Фејенорд Категорија:Фудбалери на ФК Њукасл Јунајтед Категорија:Фудбалери на ФК Вотфорд