Јован Дамаскин (грчки: Ἰωάννης Δαμασκήνος, латински: Iohannes Damascenus; роден околу во – починал на во M. Walsh, ed. Butler's Lives of the Saints (HarperCollins Publishers: New York, 1991), p. 403.) — сириски монах и теолог и христијански светец.

Животопис

Јован Дамаскин е роден околу 675 година во Дамаск, период кога во околината се распространувал исламот. Неговиот татко Сергиј бил висок чиновник во служба на калифатот. Главно поради функцијата на неговиот татко, младиот Јован се стекнал со добро образование кај еден калабриски монах од грчко потекло, Козма. Кај него Јован се здобил со знаење од областа на аритметика, геометрија, музика, астрономија, реторика, дијалектика и етика по Платон и Аристотел, и теологија. По смртта на неговиот татко, Јован го наследил на уште поголема функција, како „првосоветник“ на дворот на калифот Ал-Валид I (705-715)Suzanne Conklin Akbari, Idols in the East: European representations of Islam and the Orient, 1100-1450, Cornell University Press, 2009 p. 204David Richard Thomas, Syrian Christians under Islam: the first thousand years, Brill 2001 p. 19..

Во истото време, во Византија започнало Византиското иконоборство, поддржано од царот Лав III Сириец (717-741). Биографијата на Јован во следниот период се смета дека е легендарна. Јован Дамаскин бил меѓу првите кои се спротивставиле на иконоборството, започнувајќи писмена борба за одбрана на иконите. Ова негово делување го разгневило византискиот цар, кој го наклеветил кај калифот дека Јован сака да пружи помош на Византијците во освојувањето на Дамаск. Калифот веднаш го симнал Јован од високата положба во калифатот, му ја отсекол десната рака и го вовел во градот сиот окован. Според христијанските верувања, истата ноќ Јован се молел пред иконата на Пресвета Богородица, која му се јавила во сон, и велејќи му дека раката му е исцелена, му укажала на неопходноста од неговата борба, со нејзина помош. Кога се разбудил, Јован Дамаскин видел дека раката му е исцелена , по кое калифот му побарал прошка, која тој ја одбил.

Кон почетокот на 8 век, Јован заедно со својот учител Козма, заминал во Манастирот на Св. Сава Освештен во Ерусалим, каде станал монах, свештеник и теолог на Ерусалимската црква.

Свети Јован бил разноврстен и плоден црковен писател, со оригинален, методичен и концизен начин на изразување. Пишувал на висок стил на грчки јазик, и сите дела ги напишал во лаврата на Свети Сава.

Неговиот спомен се слави на 4 односно 17 декември

Дела

Бројните богословски трудови на Јован Дамаскин можат главно да бидат групирани како полемички и систематски, иако во некои од нив е тешко едното да се разликува од другото. Јован полемизира со иконоборството како актуелна тема во времето во кое живеел, како и против други ереси, како несторијанството, а исто така и исламот. Главно дело на Јован Дамаскин е „Правилно изложување на Православната вера“, кој е обид за составање на догматски систем по теркот на раните црковни философи на Кападокиската школа, како свети Григориј Богослов, Кирил, Лав Римски, Леонтиј, Дионисиј и Максим.

Други дела на Јован Дамаскин се: „Дијалектика или Философски поглавја“, „За ересите накратко“ и „Свети паралели“.

Јован Дамаскин како мотив во книжевноста „Пејачка химна на Јован Дамаскин“ (српски: Pevačka himna Jovanu Damaskinu) - песна на српскиот поет Лаза Костиќ.Zoran Mišić, Antologija srpske poezije. Nolit, Beograd, 1963, стр. 84-85.

Наводи

Надворешни врски

131 Christians Everyone Should Know- John of Damascus Catholic Encyclopedia: St. John Damascene Britannica Concise Encyclopedia Catholic Online Saints Details of his work ; also available through the Internet Archive.

"St. John of Damascus' Critique of Islam" at the Orthodox Christian Information Center Greek Opera Omnia by Migne, Patrologia Graeca with Analytical Indexes St John of Damascus Orthodox Icon and Synaxarion (December 4) Five Doctrinal Works is a 17th-century manuscript including three works by John of Damascus

Категорија:Сириски христијани Категорија:Црковни отци Категорија:Византиски светци Категорија:Византиски композитори Категорија:Сириски светци Категорија:Арапски христијани Категорија:Христијански светци од 8 век Категорија:Византиско иконоборство Категорија:Антигностицизам Категорија:Патристика Категорија:Црковни учители Категорија:Православни светци Категорија:Добротољубие Категорија:Византиски теолози Категорија:Христијански апологети Категорија:Родени во 676 година