Лот (), изворно: Олт (; ) — река во Франција, десна притока на Гарона. Извира во Севените, а завршува во Гарона кај Егијон, со вкупно течение од 481 км. По неа се наречени департманите Лот and Лот и Гарона.

Реката е подложна на поплавување зиме и напролет, и има поголем број брани во горниот слив, претежно на Тријер, кои даваат енергија од стратешко значење за електростопанството на земјата и туризмот во регионот. Во 1970-тите во Деказвил и Каор започнале иницијативи за обнова на преводниците со цел да се овозможи повторна пловидба по реката. мини|Течението на Лот, од Севените до вливот во Гарона.

мини|десно|250п|Различни можности за заобиколување на браната во Фимел.

Главни притоки Лед (кај Вилнев на Лот) Селе (кај Кабререт) Тријер (во Антрег на Тријер) Колањ (во Ле Монастје Пен Морјес)

Департмани и градови Лот тече низ следниве департмани и населени места: Лозер (Манд), Кантал, Аверон (Антрег на Тријер, Флањак, Капденак-Гар), Лот (Каор) и Лот и Гарона (Вилнев на Лот, Егијон).

Пловидба Почнувајќи од средниот век, по реката се одвивала трговска пловидба меѓу Антрег and Гарона на растојание од 297 км, користејќи пловила со рамно дно наречени „габари“. Кон крајот на XVII век Жан Батист Колбер спровел мерки за подобрување на пловидбата, а од 1840 г. се јавила потреба за понатамошна канализација, бидејќи јагленокопите кај Деказвил станале значаен добавувач на гориво за погоните во Индустриската револуција. По должина од 270 км се изградени над 75 јазови и преводници, кои воделе до Букес кај Деказвил. Изградбата на железницата од Монтобан до Капденак во 1858 г. извесно време немала значајни последици по стопанската пловидба по реката, туку истата е проширена со нови канали за да се заобиколат речните свијоци кај Лизеш, Кажарк, Монбрен и Капденак. Во 1869 г. ова се променило, со отворање на железнички правци крај поречието, и пловидбата целосно е напуштена до 1926 г. Во 1971 г. е основано здружение за обнова на пловноста за туристички цели. Првиот потег од 64 км е обновен во 1990 г, а до денес се отворени три потега. Долгорочниот план за нивно поврзување е откажан поради недоволна политичка волја и средства.

Поврзано Лот (департман) Лот и Гарона

Наводи

Извори Лот: хидрологија, тек, квалитет на водата и други податоци — база „Сандр“ Le Lot, Waterways Guide No. 05. Editions du Breil. Edwards-May, David (2010). Inland Waterways of France, 8th edition. Imray, pp 117–126. McKnight, Hugh (2005). Cruising French Waterways, 4th Edition. Sheridan House. . Jefferson, David (2009). Through the French Canals. Adlard Coles Nautical. p. 275. .

Надворешни врски

Лот (долна, средна горна) со карти, места, пристани и други податоци — портал „Француски водни патишта“

Категорија:Реки во Нова Аквитанија Категорија:Реки во Окситанија Категорија:Реки во Оверњ-Рона-Алпи Категорија:Канали во Франција Категорија:Лотски слив