Асама (јапонски: 浅間山 ) — активен сложен вулкан во централниот дел на Хоншу, главниот остров на Јапонија. Вулканот е најактивен на островот Хоншу. Јапонската метеоролошка агенција го класифицира вулканот Асама во Ранг А. Се наоѓа на 2,568 метри надморска височина на границата на префектурите Гунма и Нагано. Планината е вклучена во 100-те најпознати јапонски планини. Според неа бил именуван водечкиот брод на Јапонската царска морнарица, Асама.
Геологија
Планината Асама се наоѓа помеѓу Изу-Бонин-Маријанскиот лак и Североисточниот Јапонски лак. Планината е изградена од не-алкални мафи и пирокластични вулкански карпи кои датираат од доцниот плеистоцен. Карпите главно содржат андезит и дацит
Научниците од универзитетот во Токио и Универзитетот Нагоја го завршиле својот прв успешен експеримент за сликање на внатрешноста на вулканот во април 2007 година. Со откривањето на суб-атомски честички наречени миони додека минувале низ вулканот по пристигнувањето од вселената, научниците постепено можеле да изградат слика за внатрешноста, создавајќи слики од шуплини преку кои лавата минува длабоко во внатрешноста на вулканот.
Вулканската опсерваторија на Универзитетот во Токио се наоѓа на источната падина на планината. Емисиите на вулкански гас од овој вулкан се мерат преку повеќекомпонентен систем за анализа на гас, кој го детектира пред-еруптивното дегасирање на зголемувачките магми, со што се подобрува предвидувањето на вулканската активност.
Ерупции
Геолошките одлики на овој активен вулкан внимателно се следат со сеизмограми и стратешки позиционирани видеокамери. Во текот на неговата историја, се забележани голем број на ерупции: 2009, 2008, 2004, 2003, 1995, 1990, 1983, 1982, 1973, 1965, 1961, 1958–59, 1953–55, 1952, 1952, 1950–51, 1949, 1947, 1946, 1944–45, 1938–42, 1935–37, 1934, 1934, 1933, 1931–32, 1930, 1929, 1929, 1927–28, 1924, 1922, 1920–21, 1919, 1918?, 1917, 1916, 1915, 1914, 1909–14, 1908, 1908, 1907, 1907, 1906, 1905?, 1904, 1903, 1902, 1902, 1900–01, 1899, 1899, 1894, 1889, 1879, 1878?, 1875, 1869, 1815, 1803, 1803, 1783, 1779?, 1777, 1776, 1769, 1762, 1755, 1754, 1733, 1732, 1731, 1729, 1729, 1728, 1723, 1723, 1722, 1721, 1720, 1719, 1718, 1717, 1711, 1710, 1708–09, 1706, 1704, 1703, 1669, 1661, 1661, 1660, 1659, 1658, 1657, 1656, 1655, 1653, 1652, 1651, 1650?, 1649, 1648, 1648, 1647, 1645, 1644, 1609, 1605, 1604, 1600, 1598, 1597, 1596, 1596, 1595?, 1591, 1590, 1532, 1528, 1527, 1518, 1427?, 1281, 1108, 887, 685. VolcanoLive.com: Asama
Понови ерупции
Планината Асама избувнала во почетокот на февруари 2009 година, исфрлајќи пепел во висина од 2 километри и исфрлајќи карпи до 1 километар од кратерот"Volcano erupts close to Tokyo," BBC. 2 February 2009.. Пепелта била забележана во Токио, 145 километри јужно од кратерот на вулканот 18 February 2009.. На 16 февруари имало 13 регистрирани вулкански земјотреси и ерупција која испуштала чад и пепел во облак од 400 метри. Планината Асама продолжила да има мали ерупции, потреси и земјотреси во февруари и останала под тревога на ниво 3.
Три мали ерупции од пепел се случиле на вулканот Асама во август 2008 година . Ова била прва активност на вулканот од 2004 година. Една вулканска ерупција се случила на вулканот Асама во 11:02 часот на 1 септември 2004 година, предизвикувајќи многу пожари. Ерупцијата испраќала пепел во далечина од 200 километри.
Во април 1995 година, на вулканската планина биле откриени повеќе од 1000 земјотреси. Експлозивна ерупција се случила и на 8 април 1983 година. Блескава тефра била исфрлена, а пепелта паднала 250 километри од вулканот. Експлозивни ерупции се случиле на врвот на вулканот на 26 април 1982 година.
Ерупција од 1783 година
Ерупцијата од 1783 година предизвикала голема штетаTitsingh, Isaac. (1834). Annales des empereurs du japon, p. 420.. Тримесечниот плиниски избув којазапочнал на 9 мај 1783 година, произвел пирокластични текови, лавини текови и проширен конус. Климактичката ерупција започнала на 4 август и траела 15 часа.
Извештајот на Исак Тисинг за ерупцијата на Асама бил постхумано објавен на француски јазик во Париз во 1820 годинаTitsingh, Isaac. (1820). Mémoires et Anecdotes sur la Dynastie régnante des Djogouns, Souverains du Japon., а англискиот превод бил објавен во Лондон во 1822 годинаTitisngh, Isaac. (1822). Illustrations of Japan: consisting of private memoirs and anecdotes of the reigning dynasty of the Djogouns, or sovereigns of Japan.. Овие книги се засновани на јапонски извори; и делото било прво од ваков вид во Европа и на западScreech, T. (2006), Secret Memoirs of the Shoguns: Isaac Titsingh and Japan, 1779–1822, pp. 146–148..
Вулканот предизвикал големи штети. Голем дел од земјоделското продуктивно земјиште во провинциите Шинано и Козуке останало необработливо во следните четири или пет годиниHall, John. (1955). Tanuma Okitsugu, 1719–1788: Forerunner of Modern Japan, p. 122.. Ефектите од оваа ерупција се влошиле бидејќи, по годините на вистински глад, ниту властите, ниту народот не оставиле никакви резервиHall, p. 170.. Во ерупцијата од 4 август загинале до 1.400 луѓе до дополнителни 20.000 смртни случаи предизвикани од глад.
Ерупција од 1108 година
Ерупцијата на планината Асама во 1108 година била предмет на студии од модерната наука Centre national de la recherche scientifique (CNRS) , France: Yoshida, Minoru and Aoyagi, Ryugi. "Fluorine and chlorine contents in the products of the 1108 (Tennin) eruption of Asama volcano," Bulletin of the Volcanological Society of Japan (Kazan). Vol. 49, No. 4 (2004). pp. 189–199.. Податоците покажуваат дека големината на оваа ерупција била двојно поголема од онаа од 1783 годинаHayakawa, Yukio and Hideko Nakajima. "Volcanic Eruptions and Hazards of Asama Written in Historical Records" (abstract), Bulletin of the Volcanological Society of Japan (Kazan). 19 July 2006..
Наводи
Надворешни врски
Asamayama – Japan Meteorological Agency – Japan Meteorological Agency Asama Volcano – Geological Survey of Japan Asamayama – Smithsonian Institution: Global Volcanism Program
Категорија:Активни вулкани Категорија:Вулкани во Јапонија Категорија:Сложени вулкани Категорија:Хоншу