Преподобен Свети Гаврил Лесновски — македонски подвижник чиј празник се слави на 28 јануари. Роден бил во кривопаланечкото село Осиче. Заедно со преподобните Јован Рилски, Јоаким Осоговски и Прохор Пчињски се основоположници на јужнословенското и македонско еремитско (анахоретско) монаштво.
Житие Се подвизувал и аскетувал во околината на Злетовска Планина. Во житијата се среќаваат податоци дека во 10 век на Лесновската Гора кај Кратово, се замонашил и (или) изградил црква во чест на Св. Архангел Михаил и оттаму заминал во околината на подвизување.В. Стојчевска-Антиќ, Локални хагиографии во Македонија, II изменето и дополнето издание, Скопје, 2003, 50–55 и 156–177;
Неговиот светителски култ се ширел и се развивал преку религиозно-духовната, книжевната, музичката, ликовната и народната традиција. За него биле составени житија и служби во втората половина на XI, во XIII и во втората половина на XVI или најдоцна во XVII в. Култот на преподобен Гаврил бил одржуван и во сликарската традиција со сликањето на негови портрети по фрескоживописите, иконите, ракописите и по другиот црковен инвентар, како и во народното творештво, во голем број месни преданија и легенди.Цв. Грозданов, Портрети на светителите од Македонија од IX-XVIII век, Скопје, 1983, 159–180;
Бил чудотворец за време на животот и по смртта. Умрел на крајот на 10 век.
Надворешни врски Пребарување на Свети Гаврил Лесновски Свети Гаврил Лесновски
Наводи
За преп. Гаврил Лесновски види монографијата; Илија Велев, Св. Гаврил Лесновски во книжевната традиција, изд. Менора, Скопје 1996г.
Категорија:Македонски светци од 10 век Категорија:Христијанството во Крива Паланка Категорија:Преподобни Категорија:Христијански светци од 11 век