Русе () е град во североисточниот дел на Бугарија, административен центар на Русенска област. Градот е петти по големина во земјата. Русе е град-пристаниште и има 146.609 жители. Градот се наоѓа во јужниот дел на Дунавската Низина, на бреговите на Дунав. Започнува да се развива како голем економски центар дури во текот на 19 век.
Историја
Османлиски период и националната преродба лево|мини|Илустрација на Русчук во 1824 год. Под османска власт Русчук станал еден од најважните дунавски градови во Империјата, особено во 19. век кога бил центар на Дунавскиот Вилает под реформаторот Мидхат-паша. Тука се родиле многу „први“ за Бугарија: прва печатница, прва железница (Русчук–Варна, 1867), прв весник на бугарски јазик „Дунав“, прва модерна фарма и многу други иновации. Градот бил космополитски, со мешана популација (Бугари, Турци, Евреи, Ерменци, Европејци) и седиште на конзулати на големите сили. Истовремено, Русчук бил центар на Бугарското национално препородување и револуционерни активности – тука делувале Баба Тонка, Никола Обретенов, Захари Стојанов и други. Градот бил ослободен од османска власт во 1878 година од руски трупи.
Модерен период По ослободувањето Русе брзо се развил како најголем економски и културен центар во Кнежевството Бугарија (по Софија), со импресивна необарокна и сецесионска архитектура која му донела прекарот „Мала Виена“. Во 20. век градот преживеал војни, индустријализација за време на социјализмот (со изградба на Дунавскиот мост во 1954 година), загадување и протести во 1980-тите кои придонеле за падот на комунизмот. Денес, иако населението опадна по 1989 година, Русе останува важен дунавски пристаништен и индустриски центар
Галерија
Категорија:Градови во Бугарија Категорија:Населени места на Дунав Категорија:Бугарско-романски гранични премини Категорија:Населени места во областа Русе