Василис Левентис (; во Месини, Грција - во Атина) — грчки политичар и претседател на партијата Сојуз на центристи.
Животопис Левентис е четврто дете на Апостолос и Грегорија Левентис, кои потекнуваат од селото Кораковуни, Аркадија. Василис е роден во југозападен Пелопонез, во градот Месини. Заедно со неговото семејство се преселил во Пиреј, каде што во 1969 година матурирал од средно училиште. Потоа бил примен во одделот за градежништво на Националниот технички универзитет во Атина, како шести најдобар кандидат. Во 1970-тите години се занимавал со музика, продуцирајќи и една плоча.
Првото вмешување на Левентис во политиката се случило во 1975 година кога, како асистент на тогашниот декан на Атинскиот политехнички универзитет, Кипријанос Бирис, дал придонес кон пишувањето на членовите 21 и 24 од Уставот на Грција и учествувал во создавањето на проектот „ДЕПОС“.
Левентис течно зборувал германски и има соодветно познавање на англискиот јазик.https://plan59.wordpress.com/2011/05/27/1172/
Политичка кариера Левентис бил дел од ПАСОК уште од основањето на партијата во 1974 година, но од 1981 ја критикува за отстапување од првичните вредности.
Во 1982 г. се кандидирал за градоначалник на Пиреј, а 4 години подоцна за градоначалник на Атина, но не остварил успех. Во 1984 година ја создал првата еколошка партија во Грција и се кандидирал на Европските избори истата година, но освоил само 0,15% од гласовите. Во 1989 бил кандидат за пратеник од редовите на Нова демократија, но не успеал да обезбеди место во парламентот.
Во 1992 г. ја основал политичката партија Сојуз на центристи, стремејќи се да стане „политичкиот континуитет на центристичкото изразување во Грција“. Иако партијата учествувала на сите избори, до 2015 година нивното влијание било незначително. На изборите во јануари 2015 Сојузот на центристи освоил 1,79%, под прагот од 3% за влез во грчкиот парламент, но на изборите во септември истата година, партијата на Левентис освоила 186.457 (3,43%) гласа и 9 пратеника.https://greece.greekreporter.com/2015/09/03/greek-elections-new-poll-shows-slight-new-democracy-lead-over-syriza/
Левентис се противел на употребата на зборот „Македонија“ во името на Република Македонија.
Наводи
Категорија:Грчки политичари Категорија:Починати во Атина