Географијата на Европската Унија ги опишува географските одлики на Европската Унија (ЕУ), повеќедржавен политички ентитет кој зафаќа голем дел од Европа и опфаќа 4.422.773 квадратни километри.Во составот ги вклучува четирите прекуморски департмани и региони (Француска Гвајана, Гваделуп, Мартиник, Реинион) кои се составен дел на Европската Унија, но не ги вклучува прекуморските заедници и територии, кои не се дел од ЕУ. Нејзината европска територија се протега североисточно до Финска, северозападно со Ирска, југоисточно со Кипар (остров кој е физичко графички дел од Азија) и југозападно до шпанските ексклави на средоземните брегови на Северна Африка. Покрај тоа, ЕУ вклучува бројни острови низ целиот свет и Француска Гвајана во Јужна Америка.
Колективно, ја претставува седмата најголема територија во светот по област. Вклучувајќи ги сите прекуокеански територии, ЕУ ги дели границите со 20 земји.
Географија по држави-членки Европската Унија брои 27 земји членки и 8 кандидати. Погледнете ја географијата на секоја држава:
Физичка географија Поголемиот дел од Европската Унија е на европскиот континент. Единствената земја членка на ЕУ која е целосно надвор од Европа е Кипар, кој е во Азија. ЕУ вклучува помалку од половина од територијата на Европа. Земјите-членки на ЕУ имаат копнени граници со 19 други нации.
Се проценува дека крајбрежјето на Европската Унија е долго 66.000 км,European Union CIA World Factbook граничи со Атлантскиот Океан, Средоземното Море, Црното Море и Балтичкото Море. Европските планински масиви ги опфаќаат Алпите, Пиринеите, Карпатите, Балканските и Скандинавските Планини и граничните планински масиви на Кавказ и Урал; највисокиот врв во Унијата е Монблан на Алпите. Езерото Венерн во Шведска е најголемото езеро во Унијата.
Наводи
Надворешни врски
Категорија:Географија на Европската Унија