Кула — археолошко наоѓалиште во кумановското село Челопек. Претставува населба, кастел со некропола од праисторија и доцна антика. Се наоѓа на околу 1 км северно од селото и на околу 15 км североисточно од Куманово. Лежи речиси на средината од еден долг гребен што почнува од врвот Чука и завршува во долината на реката Пчиња. Покрај источниот крај поминува патот што ги поврзува Кумановската и Врањанската област. Кула претставува долга тераса, со мошне стрмни и речиси непристапни страни, со исклучок на источната која косо паѓа до реката. На површината се распознаваат остатоциод темели на бедем, а има и повеќе гробни конструкции разоткриени од ерозијата. Неколку гробови се прекопани од диви копачи. Според конструкциите и позицијата на гробовите, сосема е сигурнодека некрополата е од доцна антика (IV-VI век) и му припаѓала на населението од кастелот. Приближно на средината од северниот раб на висорамнинката се најдени и фрагменти од атипична праисториска керамика.Коцо, Димче (1996). Археолошка карта на Република Македонија. стр. 224, Скопје: МАНУ. ISBN 9789989101069 Поврзано Поврзано Добросељане — населба од римското време; Кула — праисториска населба, кастел со некропола од доцноантичкото време; Пузалка — некропола од римското време; Челопек; Список на археолошки наоѓалишта во Кумановско; Список на средновековни некрополи во Македонија.
Наводи
Категорија:Челопек (Кумановско)