„Џин“ (англиски: Giant) — американски филм од 1956 година, во режија на Џорџ Стивенс (George Stevens) по сценариото на Фред Гујол и Иван Мофат (засновано врз романот на Една Фербер). Главните улоги ги толкуваат: Рок Хадсон (Rock Hudson), Елизабет Тејлор (Elizabeth Taylor), Џејмс Дин (James Dean), Керол Бејкер (Caroll Baker), Денис Хопер (Dennis Hopper), Мерседес Мек Кембриџ (Mercedes McCambridge), Чилс Вилс (Chills Wills), Ерл Холиман (Earl Holliman), Сал Минео (Sal Mineo) и Род Тејлор (Rod Taylor). Филмот „Џин“ претставува последен дел од неформалната Американска трилогија на режисерот Стивенс чии претходници се филмовите „Место под сонцето“ и „Шејн“. Филмот се одликува со колористички фасцинантен дизајн и со престижна глумечка екипа, што резултирало со десет номинации за „Оскар“: за режија, за најдобар филм, за адаптирано сценарио, две номинации за главна машка улога (Хадсон и Дин, иако улогата на Дин е споредна), за споредна женска улога (Мек Кембриџ), за музика (Дмитри Тјомкин), за колор костимографија и за монтажа. За овој филм, Стивенс го добил својот втор „Оскар“ за најдобра режија.Div, američki film (12) (1956.) - Zlatno doba Hollywooda: ciklus filmova Elizabeth Taylor (пристапено на 13.3.2021)

Синопсис Дејствието на филмот се одвива во Тексас. Земјопоседникот Џордан Бенедикт (го игра Рок Хадсон), наречен Бик, за време на престојот во источниот дел на САД се вљубува во ќерката на еден доктор, Лесли Линтон (ја игра Елизабет Тејлор) и набргу тие се венчаваат. Животот на Лесли на имотот на Бик не е секогаш лесен, особено поради тоа што Луз, Биковата сестра, ја пречекува непријателски. Единствено, нејзе ѝ е наклонет работникот на ранчот, Џет Ринк (го игра Џејмс Дин), кој посакува да стане богат...

Наводи

Категорија:Американски филмови Категорија:Филмови на англиски јазик Категорија:Филмови од 1956 година Категорија:Филмови на Џорџ Стивенс Категорија:Филмови со Елизабет Тејлор Категорија:Филмови со Џејмс Дин Категорија:Филмови со Рок Хадсон Категорија:Филмови со Керол Бејкер Категорија:Филмови со Денис Хопер Категорија:Филмови со Мерседес Мек Кембриџ Категорија:Филмови со Чилс Вилс Категорија:Филмови со Ерл Холиман Категорија:Филмови со Сал Минео Категорија:Филмови со Род Тејлор Категорија:Филмови чие дејствие се одвива во Тексас