Тора Торбергсдатер (, родена 1025 – година на смртта непозната: сп. 1066) била норвешка кралска сопруга. Таа била мајка на два крала на Норвешка. Можно е, но непотврдено, да била и кралица на Данска или Шведска.Tora Torbergsdatter – utdypning (Merete Røskaft, Store norske leksikon)
Биографија Тора Торбергсдатер била родена на Гиске во Мере и Румсдал, Норвешка. Таа припаѓала на Гискетен, моќно семејство од Гиске во Сунмор. Ќерка на Торберг Арнесон од Гиске (околу 1000–1050) и сопругата Рагнхилд Ерлингсдатер (992), внука по мајка на Ерлинг Скјалгсон и сопругата Астрид Еириксдатер и внука од таткото на Фин Арнесон и Калв Арнесон.Torberg Arnesson (Store norske leksikon)Giskeætten (Store norske leksikon)
Тора се омажила за кралот Харалд Хардрада од Норвешка во 1048 година. Бракот во голема мера бил политишки со цел градење сојузи. Поглаварите на семејството Гиске одиграле клучна улога во норвешката политика на моќ. Врската помеѓу Тора и Харалд Хардрада создала силни врски со кралското семејство. Тора станала мајка и на кралот Олав Кире и на кралот Магнус II Харалдсон.
Кралот Харалд претходно се оженил со Елисавета Јарославна во текот на зимата 1043–1044 година. Претходниот брак меѓу Харалд и Елисавета е документиран само од дворскиот поет Стув ден Блинде. Друга документација за нејзиниот престој во Норвешка нема. Затоа, можно е Елисавета да останала во Русија или да умрела на пат за Норвешка. Сепак, тоа би значело дека ќерките на Харалд, Ингегерд и Марија, кои и се припишуваат, мора да биле на Тора. Ова не се смета за веројатно, бидејќи Марија била свршена со Ејстеин Оре, кој ќе и бил вујко доколку била ќерка на Тора. Затоа е можно Тора да била конкубина на Харалд.
Во 1066 година, Харалд ја нападнал Англија, каде што умрел. Традицијата вели дека Елисавета и нејзините ќерки го следеле Харалд во Англија, каде Марија умрела, како што се вели, на веста за смртта на нејзиниот татко. Потоа, Елисавета и нејзината втора ќерка Ингегерд се вратиле во Норвешка со норвешката флота. Елисавета требало да престојува на Оркниските Острови за време на ова патување. Сепак, најстарата од сагите тврди дека Тора, а не Елисавета го придружувала Харалд на патувањето, што се смета за поверојатно, бидејќи таа била роднина на Торфин Сигурдсон, Јарл од Оркни.
Според Адам Бременски, мајката на кралот Олав Кир повторно се омажила или за кралот Свејн II од Данска или за неименуван шведски крал (можеби кралот Хокон од Шведска ) како вдовица, но тоа е непотврдено. Исто така, не се знае дали ова се однесува на вистинската мајка на Олав Кире, што би значело Тора Торбергсдатер, или неговата маќеа, што би значело Елисив.
Наводи
Други извори
Магнусон, Магнус; Палсон, Херман (1976) Сагата на кралот Харалд: Харалд Хардради од Норвешка: од Хеимскрингла на Снори Стурлусон (Пингвин класици)
Категорија:Починати во 11 век Категорија:Родени во 1025 година Категорија:Шведски кралици