Minecraft (се изговара: Мајнкрафт) — игра за Windows, macOS, и Linux направена во 2009 г., а пуштена во ноември 2011 г. Во оваа игра, главниот јунак се вика Стив и тој оди низ многу приклученија. Маркус Персон ја напишал Minecraft на програмскиот јазик Java, користејќи ја графичката библиотека LWJGL, црпејќи идеи од игри како Dwarf Fortress, Dungeon Keeper и Infiniminer.
Minecraft му дава на располагање на играчот процедурално создаден и променлив тримерен свет, целосно составен од коцки — тој може слободно да се преуредува, создавајќи сложени структури од овие коцки. Оваа одлика ја прави играта слична на разни конструктори, како што е Lego.
Minecraft не поставува никакви конкретни цели пред играчот, но му нуди слобода на дејствување: на пример, играчот може да го истражува светот, да ископува корисни суровини, да се бори со противници и многу повеќе. Играта вклучува дополнителни режими, на пример, „Преживување“, каде што играчот треба самиот да набавува ресурси, и „Творештво“, каде што играчот ги има овие ресурси во неограничена количина.
Механиката на „редстоун“ (англ. Redstone — црвен камен/прашина) овозможува создавање сложени логички шеми во Minecraft — со тоа играта може да послужи како виртуелен конструктор за програмери и инженери.
Белешки
Наводи
Надворешни врски
Minecraft Wiki
Категорија:Инди-игри Категорија:Игри за Windows Категорија:Игри за Xbox 360 Категорија:Игри за PlayStation 4 Категорија:Игри за PlayStation 3 Категорија:Игри за Xbox One Категорија:Игри за Mac OS X Категорија:Игри за Nintendo Switch Категорија:Игри за iOS Категорија:Игри за Андроид Категорија:Игри за Линукс Категорија:Игри за Xbox Series X/S