Кичевска чаршија — чаршија во стариот дел на Кичево, прогласена за културно наследство на Македонија.
Чаршијата се протега во западното подножје на Китино Кале, по улицата „Александар Македонски“ (старо име „Маршал Тито“), која има насоченост север-југ. Јужна граница на чаршијата е црквата „Св. Петар и Павле“, а северната е џамијата „Султан Бајазит“ (Чарши-џамија). Чаршиските дуќани се распоредени од двете страни на чаршиската улица „Александар Македонски“. На запад чаршијата навлегува во делови од улиците „11 Октомври“ и „Гоце Делчев“, а на исток оди по „Охридска“, „Косовска“ и „Амит Челопечанец“.
Во чаршијата во минатото имало анови, чешма и амам, чии остатоци се пронајдени на улицата „Охридска“.
Поврзано Културно наследство на Македонија во Општина Кичево
Наводи
Категорија:Чаршии во Македонија Чаршија