Gamlebanken Spelemannslag (skipa 2012) er eit spelemannslag frå Sogn og Fjordane. Gamlebanken har medlemmar frå kommunane Førde, Naustdal, Jølster, Gaular og Luster. Synnøve S. Bjørset er musikalsk leiar. Blant Gamlebanken sine aktive medlemmar finn ein mellom anna Ingrid Heieren Sølvberg, Ingrid Schei Stuhaug, Iselin Mulen Eikås, Oda Heidi Bolstad, Geir Marius Thorud, Åslaug Timenes Bell, Leif Erik Stuhaug, Mona-Kristin Fiskerstrand Gjelsvik og Mathilde Skjæret.
Formålet til spelemannslaget er å dyrke ungt engasjement for tradisjonell folkemusikk. Gamlebanken Spelemannslag hadde eksistert som laust samansett lag i kring ti år då dei vart formelt stifta på årsmøte 6. april 2012. Spelemannslaget har unge medlemmar frå Sunnfjord og Sogn, og nokre av utøvarane har hatt bla. fylkesmusikar og hardingfelenestor Sigmund Eikås som læremeister. Utøvarane har bakgrunn frå mellom anna kulturskulen i Førde, Firda vidaregåande skule, Ole Bull Akademiet, Norges Musikkhøgskole, Raulandsakademiet, Indre Sunnfjord Spelemannslag, Naustedalen spelemannslag, Gaular Spelemannslag, Jostedal Spel- og Dansarlag. Gamlebanken Spelemannslag kan syne til særs gode resultat både nasjonalt og internasjonalt. Mellom anna vann dei lagspelklassa under Landsfestivalen på Oppdal sommaren 2011 og i Kinsarvik 2019. Gamlebanken skipa til Vestlandskappleik i Førde hausten 2013, og vann klassa for lagspel med komp.
Kjelder
Bakgrunnsstoff Gamlebanken Spelemannslag si heimeside på Facebook Lydopptak av Gamlebanken Spelemannslag kan du høyre her. Opptaka er gjort av Fylkesarkivet i Sogn og Fjordane, musikkavdelinga.
Kategori:Skipingar i 2012 Kategori:Norske folkemusikkgrupper Kategori:Musikk i Vestland